VOV4.K’ho- Mho òr (22/4), Mpồl kuang bàng Quốc hội càr Dak Nông neh bơyai lơh pơrjum sền wơl broă mut lơh kơnòl broă quý 1, mờ lơh kơnòl broă quý 2 nam 2019.

Jat jơnau đơs, tàm quý 1, mpồl kuang bàng Quốc hội càr neh tơnguh uă nùs nhơm geh kơnòl tềng đap làng bol mờ cau te\ khà, mut lơh geh cồng nha kơnòl broă, gơnoar atbồ adat boh lam jat jơnau sồr, pơgồp bơnah tàm broă bơtàu tơnguh lơh sa, mpồl bơtìan tàm tiah do dê.

Bè broă sền gròi, mpồl kuang bàng Quốc hội càr neh tơr gùm ală tơngume bè: broă mut lơh broă lơh, adat boh lam bè rơndap tap sèng, atbồ, ngui ù tiah tàm tiah drà bơh tu\ Adat ù tiah nam 2013 geh mut ngui ngan ngồn tus nam 2018 tàm ù tiah càr dê; broă lơh jat broă lơh, adat boh lam bè rcang sơn dră ồs sa mờ crùh ồs sa  tơngai bơh nam 2014-2018...

Tàm quý II, Mpồl kuang bàng Quốc hội càr pơn jat tai lơh jat broă rơndap lơh neh geh ai, tàm hơ\ sền gròi bàr pe tơngume tờm, ngan là broă rcang niam ală tơngume tus bal tàm dơ\ pơrjum dơ\ 7, Quốc hội khoá 14 rcang sơn đờm mut lơh tàm ngai 20/5/2019.

 Cau mblàng K’ Hạnh