VOV4.K’ho - Pơnjat tai broa\ lơh pơrjum dơ\ 4,  Quốc hội kơna\ XIV, ngai òr (9/11),  ala\ cau kuang neh cri bơyai bè broa\ mut lơh broa\ lơh dà lơgar drờm bal cau ùr cau klau.

Drờm bal cau ùr cau klau la broa\ lơh dờng ngan bơh Đảng, Dà lơgar, la broa\ lơh tờm ngan tàm broa\ lơh bơtàu tơngguh  mpồl bơtìan  dà lơgar dê. Nàng  mut lơh ngan broa\ lơh do,  mơ kung la nàng geh  mut  lơh pơrgon jat broa\ lơh Việt Nam tềng dunia, tàm pơrjum dơ\ 10, Quốc hội kơna\ 11 neh ring bal adat drờm bal cau ùr cau klau  mờ neh geh ngui ngan ngồn bơh ngai 1/7/2007.

Tơnơ\ 10 nam geh mut ngui tàm rài kis, adat drờm bal cau ùr cau klau neh lơh geh ua\ ngan gơguh jak mpờl go\ ngan. Cồng nha mut ngui  drờm bal cau ùr cau klau tàm tơngai lài neh pơ gồp bal tàm bơta niam mut lơh ala\ broa\ lơh bơtàu tơngguh kơljap bơh Liên hợp quốc mờ ala\ jơnau  sồr bơh Ủy ban bè sang sơbì jơh ala\ bơta tam cah is tus mờ cau ùr.

                                    Cau cih mờ yal tơnggit K’ Brọp