VOV4.K’ho – Ngai òr (09/4), Mpồl kuang bàng gròi sền bơh Quốc hội dê neh lơh broă mờ kuang đơng lam bồ càr Lâm Đồng bè broă lơh rơcang sơndră mờ crùh ồs sa. Jat jơnau yal, tàm 5 nam do, gùt càr Lâm Đồng gơlik geh rlau 300 dơ\ ồs sa, bơrtoh, ồs sa brê, lơh 13 nă cau chơt, 18 nă cau gơtìp sồt să, hoàc huơr bè phan bơna rlau 61 tơmàn priă mờ rlau 300 lồ brê.

Tu\ do, càr Lâm Đồng neh blơi 33 nơm rơndeh crùh ồs sa, bơcri priă crap lơh rlau 1 rbô nơm ding dà, 850 nơm sơn tèk dà drơng broă crùh ồs sa tàm ală anih. Gùt càr neh crơng gơs 147 mpồl rơcang gàr làng bol, rlau 4 rbô mpồl rơcang sơndră, crùh ồs sa kấp hơ đơm… Ală anih lơh broă geh gơnoar càr neh lơh git nđờ rbô dơ\ mblàng yal, ơdu\ bơ to pơlam jơnau git wă adat boh lam bè rơcang sơndră, crùh ồs sa làng bol in.

Mpồl kuang bàng gròi sền sồr Lâm Đồng kờ` pal atbồ nền broă lơh rơcang sơndră, crùh ồs sa ală anih tam gơl jơnau kờ` ngui bơh hìu ơm gơ gơs kă bro hìu nac, hìu ơm rlô, homestay nàng gàr niam ờ do ờ dă màng kis mờ phan bơna bơh nac nhơl chờ mờ làng bol dê.

Kuang bàng Quốc hội sền gròi broă lơh jat adat boh lam bè rơcang sơndră ồs sa tàm càr Lâm Đồng

Lài hơ\, Mpồl kuang bàng gròi sền bơh Quốc hội dê neh lơh broă ngan ngồn mờ kơnhoàl Đức Trọng mờ Viện Kơlôi sơnơng hạt nhân Dà Làc bè broă lơh rcăng sơndră ồs sa mờ crùh ồs sa.

Tàm Viện Kơlôi sơnơng hạt nhân Dà Làc, tàm 5 nam do ờ lời gơlik geh khat dùl dơ\ aniai ồs sa, bơrtoh lơi. Viện neh lơh gùng bê tông glòm gùt dar [làng hìu viện; crăp ơn Tiah tờm yal ồs sa mờ gi\t nđờ jơ\t anih yal ồs sa tàm ală tiah kuơmàng; lơh ală sơntèk ơn pơdơng dà; crơng gơs mpồl rcăng sơndră ồs sa mờ crùh ồs sa kơnă hơđơm…

Mpồl kuang bàng gròi sền sồr Viện Kơlôi sơnơng hạt nhân Dà Làc ba` sền ờ sơ\p, mờ pal sùm rcăng lài mpồl cau, rơndeh rơndồ, măy mok, gùng dà broă lơh nàng sơndră wơl di tu\ tàm jơh ală jơnau digơlan gơbàn ồs sa bơrtoh.

Cau mblàng K’Duẩn mờ Lơ Mu K’Yến