VOV4.K’ho - Di tơnkah Phật đản-Phật lịch 2564 – Dương lịch 2020, drim òr (05/5), mpồl kuang bàng lơh broă bơh Tỉnh uỷ, HĐND, UBND, Uỷ ban Mặt trận dà lơgar Việt Nam càr Dak Lak neh tus còp, chờ gờm ală hìu yàng phờk tàm càr.

                       Kuang bàng đơng lam càr Dak Lak còp, chờ gờm mpồl cau kơ đơng yàng phờk tàm càr 

Tàm ală anih tus còp, kuang đơng lam càr neh dờp mờ đơs niam ală broă pơgồp bal bơh đah jăt yàng phờk gơwèt mờ broă sền gàr, bơ\t bơtàu mờ tơnguh bơtàu dà lơgar đơs bal mờ càr Dak Lak đơs is. Kuơ màng tàm tơngai kòp Covid-19 gam gơbàn kal ke bè tu\ do, ală cau kơ đơng yàng, cau jăt yàng phờk neh geh uă broă pơgồp bal bè phan bơna, nùs nhơm bal tus mờ gùt mpồl bơtiàn tàm broă rơcang sơndră mờ kòp. Mờ lơh jăt nền nòn ală chỉ thị bơh Chính phủ, gùng dà, broă lơh bè jăt yàng, adăt boh lam.

Kơ\p kờ` ală cau kơ đơng yàng, cau jăt yàng pơn jăt tai lơh jăt niam ală gùng dà broă lơh bơh Đảng, adăt boh lam bơh Dà lơgar tàm broă jăt yàng, tus bal niam tàm broă lơh nùs nhơm dong kờl, mpồl bơtiàn tàm ală tiah.

Tàm càr Kon Tum, Mpồl kuang bàng bơh Ban Thường trực Ủy ban Mặt trận dà lơgar VN càr neh lòt còp, pà phan ală hìu yàng phờk tàm càr in di ngai chờ dờng Phật đản, Phật lịch nam 2564.

Tàm ală anih mờ mpồl tus còp, Kuang đơng lam bồ Ủy ban mặt trận dà lơgar Việt Nam càr kơp kờ` Gah jat yàng Phờk càr bal mờ cau kơ đơng yàng phờk, cau jat yàng phờk pơn jat tai lơh jat niam jơnau đơs bè lơh broă bơh Gah jat yàng Phờk Việt Nam dê “Jơnau bơ to sồr yàng Phờk dê lòt bal mờ jơi bơtìan”; tam klac, lơh ngan tàm pơr lòng lơh broă, lơh sa, lơh geh cồng nha gờm chờ ngai chờ dờng Phật đản, Phật lịch nam 2564.

Nam do, chờ dờng đản, Phật lịch nam 2564 geh lơh tàm tơngai kòp Covid-19 gơlik geh kal ke, den tàng, Mpồl duh broă gah jat yàng Phờk VN càr pal lam sồr làng bol jat yàng Phờk bơyai lơh [uơn, cèng nùs nhơm ki ngàm nàng pơ gồp bơnah bal mờ Đảng, dà lơgar lơh jat niam broă lơh rơcang sơndră kòp Covid-19.

Cau mblàng Ndong Brawl - K' Duẩn