VOV4.K’ho – Đơs lài mờ tu\ sơnđờm mu\t pơrjum bal dơ\ pe bơh Pơrjum dờng ală lơgar tàm Liên hợp quốc khoá 73 dê, tềng đap bơta geh mat bal bơh ala mat 193 lơgar tàm Liên hợp quốc, Chủ tịch pơrjum dờng là mò Maria Fernanda Espinosa Garces neh yal bè bơta chơ\t bơh ồng Trần Đại Quang, Chủ tịch lơgar Việt Nam dê mơkung pơyua jơnau tam pà bal bơta muăt jrùm uă ngan tus mờ hìu bơnhă bơh Chủ tịch lơgar, Chính phủ mờ làng bol lơgar Việt Nam dê, sồr kuang bàng ala mat ală lơgar tus bal pơrjum lời dùl phuk kun bồ kah kơlôi ai ồng Trần Đại Quang, Chủ tịch lơgar Việt Nam in.

Lài hơ\, cau sơ pơ\ bơr bơh ồng Antonio Guterres, Tổng Thư ký Liên hợp quốc dê neh yal bơr tơngo\ nùs nhơm jê sồt muăt jrùm ngan gơ wèt tus mờ bơta chơ\t bơh ồng Trần Đại Quang, Chủ tịch lơgar Cộng hoà Xã hội Chủ nghĩa Việt Nam dê.

Văn phòng Thư ký sră báo gơnoar atbồ lơgar Mỹ pa tơl^k jơnau yal bơr bơh kuang atbồ lơgar Mỹ ồng Donald Trump bè broă Chủ tịch lơgar ồng Trần Đại Quang chơ\t.

Ồng Donald Trump neh ala măt làng bol lơgar Mỹ, pơyoa jơnau tam àp moăt jrùng tus mờ cau tàm hìu nhă Chủ tịch lơgar ồng Trần Đại Quang bal mờ làng bol lơgar Việt Nam. Tàm jơnau yal bơr ồng dê, ồng Donald Trump cih, Chủ tịch lơgar Trần Đại Quang là 1 nă cau bơyô niam lơgar Mỹ dê.

Ồng neh đềt mềr wă a` tàm dơ\ tus còp kơnă dà lơgar a` tus Hà Nội tàm nhai 11 nam 2017, mờ a` ưn ngài ồng bè jơnau hơ bơh să tòm ồng dê kờ` lơh niam bơne\ rơlao tai broă lơh bal kuơ màng tơl ală bơta bơh lơgar Mỹ mờ lơgar Việt Nam. Lài mờ hơ\, cau pơlam đơs Bộ Ngoại giao lơgar Mỹ mò Heather Nauert kung neh tơl^k jơnau yal bơr bè broă Chủ tịch lơgar Việt Nam ồng Trần Đại Quang chơ\t sơl.

Ồng Raul Castro Ruz, Bí thư dơ\ dùl Đảng Cộng sản Cuba neh pơyua sră tam pà bal bơta muăt jrùm mờ ồng Nguyễn Phú Trọng, Tổng Bí thư Đảng dà lơgar, tơngume bè do:

“A` gơlơh nđàc sơngi\t mờ pơlai soh ngan tu\ kơno yal ồng Trần Đại Quang, Chủ tịch lơgar Cộng hoà Xã hội Chủ nghĩa Việt Nam neh chơ\t. Ala mat Đảng Cộng sản, làng bol Cuba mờ să tờm a`, dan pơyua tus ồng jơnau tam pà bal bơta muăt jrùm uă ngan rlau jơh mơkung bè pơyua tus hìu bơnhă, cau pròc mhàm tờm bơh ồng Chủ tịch dê. Ồng Quang là bơyô đềt mềr ngan bơh Cuba dê mờ cau jơh nùs lơh pràn bơta gi\t gơ\p kah yau gi\t gơ\p lơh bơyô bal mờ lơh broă bal đah 2 dà lơgar bol he dê”.

Hội đồng dà lơgar Cuba yal kơrnoăt kờ` lời ies kah kơlôi Chủ tịch lơgar Việt Nam ồng Trần Đại Quang. Tàm jơnau yal geh tơl^k tàm anih sơnđio rùp dà lơgar, lơgar Cuba lời ies mùl màl bơh 6 jơ drim ngai 22 nhai 9 jăt jơ tàm lơgar do, hơ\ là 5 jơ mho ngai 22 nhai 9 jăt jơ Hà Nội tus 12 jơ mang ngai 23 nhai 9, hơ\ là 11 jơ ngai 23 nhai 9 jăt jơ Hà Nội.

Broă bơyai ies dà lơgar geh bơyai lơh tàm ngai òr 24 nhai 9. Tàm tơnga dà lơgar ies, ală hìu `hoa cờn dà lơgar lơh broă, ală hìu lơh broă ling klàng tàm lơgar Cuba yồng bồng bi gơjrùh, ờ bơyai lơh ală broă nhơl chờ, pơrài bồ tơngoh mpồl bơtiàn.

Cau mblàng Lơ Mu K’Yến