VOV4.K’ho- Lài mờ tŭ sơnđờm mŭt pơrjum dơ̆ 2, Quốc hội khoă XV, ală kuang bàng đơng lam bồ Đảng, Dà lơgar, Mặt trận dà lơgar Việt Nam, ală kuang bàng Quốc hội lòt pơrjum tàm anih pơrjum Hìu Quốc hội tus ơn goàng bơkàu mờ mŭt tàm Gơlang ƀồc, còp ies ƀồc Chủ tịch Hồ Chí Minh.

Kuang bàng đơng lam bồ Đảng, Dà lơgar mŭt tàm gơlăng ƀồc, còp ies ƀồc Bác Hồ

Tus bal Dơ̆ bơyai lơh còp, ies ƀồc Chủ tịch Hồ Chí Minh geh Chủ tịch lơgar ồng Nguyễn Xuân Phúc, Thủ tướng Chính phủ ồng Phạm Minh Chính, Chủ tịch Quốc hội ồng Vương Đình Huệ, Chủ tịch Ủy ban Mặt trận dà lơgar Việt Nam ồng Đỗ Văn Chiến bal mờ ală kuang bàng tàm Bộ Chính trị, Bí thư Đảng dà lơgar, ală kuang bàng là Phó Chủ tịch Quốc hội, Phó Thủ tướng Chính phủ, kuang đơng lam bồ ală ƀộ, gah sơnah lơh broă, ală kuang bàng Quốc hội lòt pơrjum tàm Hà Nội tus bal Dơ̆ bơyai lơh còp ies ƀồc. Goàng bơkàu geh Mpồl cèng cih akhar: “Sùm sùm jơh rài kah ưn ngài Chủ tịch Hồ Chí Minh dờng màng ngan”.

Cau mblàng Lơ Mu K’Yến