VOV4.K’ho- Tơngkah kir sơnrai 76 nam Sơn tờm dà lơgar Cộng hòa xã hội Chủ nghĩa Việt Nam (2/9/1945 - 2/9/2021), drim ngai 01/9, Mpồl Kuang bàng Ban Chấp hành Đảng dà lơgar, Chủ tịch lơgar, Quốc hội, Chính phủ, Ủy ban Mặt trận dà lơgar Việt Nam neh ơn goàng bơkào, mut tàm Gơlang ƀồc còp iês ƀồc Chủ tịch Hồ Chí Minh. 

   Kuang đơng lam bồ Đảng, Dà lơgar pơdơng bơkào, mut tàm gơlang còp iês ƀồc Chủ tịch Hồ Chí Minh

Mờ nùs nhơm gĭt ưn ngài uă ngan, Mpồl Kuang bàng neh tơngŏ nùs nhơm ki ngàm, sền dờng màng, kah ưn ngài dà kơl hề dờng màng bơh Chủ tịch Hồ Chí Minh dê gơwèt mờ broă lơh kăc màng Đảng mờ jơi bơtiàn dê. Cau neh tă pơgồp dà kơl hề jơh rài kis he dê ai làng bol, ai dà lơgar, đơng lam Đảng he, làng bol he lơh geh ală bơta pha lin dờng màng, lơh àng sơr dah jơi bơtiàn he, ù tiah dà lơgar he dê. Goàng bơkào bơh Mpồl Kuang bàng dê sèng cih akhar “Sùm sùm kah ưn ngài Chủ tịch Hồ Chí Minh dờng màng”. Pơn jat hơ̆, Mpồl Kuang bàng Ban Chấp hành Đảng dà lơgar, Chủ tịch lơgar, Quốc hội, Chính phủ, Ủy ban Mặt trận dà lơgar Việt Nam neh tus ơn goàng bơkào mờ chu ñàng kah kơlôi ală Cau ling khin cha jak chài chơ̆t phi să tàm Anih kah kơlôi Cau ling chơ̆t màng, gùng Bắc Sơn, Hà Nội.

Cau mblàng K’Hạnh