VOV4.K’ho - Drim òr (19/11), tàm Hà Nội, kuang đơng lam Bộ Giáo dục mờ Đào tạo tìp măt cau pơgru geh pơnrơ jăk là kòn cau geh pơn jờng tàm broă lơh “Tam pà bal mờ cau pơgru” nam 2021.

Tàm dơ̆ tìp măt, ală cau pơgru neh tam pà bal bè broă bơto bơtê, ală kal ke tàm broă bơto kơnòm dềt kòn cau, ală broă bơceh lơh, tam gơl pa jơnau mblàng nàng dong kờl kơnòm bơsram wă ală jơnau bơto geh cồng nha tàm bơta kòp Covid-19 bal mờ ală jơnau kơ̆p kờñ bè broă dong kờl bơh Đảng mờ Dà lơgar ai ală cau pơgru mờ kơnòm bơsram tàm tiah ngài, tiah làng bol kòn cau gơtìp kal ke in. Tàm dơ̆ tìp măt, Thứ trưởng Bộ Giáo dục mờ Đào tạo mò Ngô Thị Minh pà git: Bộ Giáo dục mờ Đào tạo geh tơrgùm mờ geh dơ̆ pơrjum ai geh ală broă lơh, broă dong kờl ai ală cau pơgru gam ngai mờ mang sền gàr, bơto sră kơnòm bơsram tàm tiah ngài, tiah làng bol kòn cau in.

Cau mblàng Ndong Brawl