VOV4.K’ho – Mang ngai 11/12. Đại sứ quán lơgar Campuchia tàm Hà Nội bơyai lơh ìơ sa gờm chờ tơngkah 64 nam ngai Sơn tờm dà lơgar Campuchia mờ 50 nam ngai crơng gơs git gơp lơh broă bal Việt Nam – Campuchia.

Đơs tàm dơ\ bơyai lơh, Phó Thủ tướng Chính phủ, Bộ trưởng Ngoại giao, ồng Phạm Bình Minh nting sap gờm chờ ală cồng nha mờ làng bol lơgar Campuchia neh lơh geh tàm 64 nam do.

Phó Thủ tướng đơs tờm, Việt Nam mờ Campuchia neh sơr lèt gan git nđờ bơta lòng, bơta kal ke, làng bol 2 lơgar sùm ai bơta dong kờl bal mờ gơp dờng màng ngan tài broă lơh ngap lơngai is jơi bơtiàn, tài gơnoar geh kis tàm bơta khat gơboh, ngap lơngai mờ bơt bơtàu dà lơgar pas sơm.

Hơ\ là jơtài dờng màng ngan bơh 2 jơi bơtìan dê mờ ală rơnàng tu\ do mờ tơnơ\ do pal sền gàr mờ bơt bơtàu.