VOV4.K’ho - Tơnkah 75 nam ngai Gùt lơgar ntào tam lơh ngai 19 nhai 12, drim òr (17/12), Mpồl kuang bàng ala măt ƀòn dờng Hà Nội neh tus pơdơng bơkào tềng jơnang kah kơlôi “Chơ̆t nàng Dà lơgar kis”, suơn bơkào Hàng Đậu, sơnah ƀòn Quán Thánh, quận Ba Đình.

Ngai 19 nhai 12, 75 nam rê hờ lài do, dờp bal Jơnau hòi jà Gùt lơgar ntào tam lơh bơh Củ tịc Hồ Chí Minh, ling klàng bal mờ làng bol Hà Nội neh pờ ñhoa bồng bi “Chơ̆t nàng Dà lơgar kis”, lơh tơl gùng lòt, tơl hìu gơs pơngàr, bơtô tam lơh làng bol, gùt làng bol tam lơh mờ ling sò tơm. Pơdơng bơkào tềng jơnang kah kơlôi “Chơ̆ nàng Dà lơgar kis”-rùp rài geh tơngŏ dơ̆ tam lơh khin cha jăk chài bơh ling klàng bal mờ làng bol Càr lơgar tàm 60 ngai mang mờ ling lơgar Tây sò tơm lồi nam 1946, bồ nam 1947, kuang đơng lam ƀòn dờng tơlik nùs nhơm ưn ngài uă ngan broă pơgồp bal, broă phi să bơh ală rơnàng ồng pàng lài do, ală cau ling, làng bol neh lơh geh rài lài do jăk chài, là nùs nhơm pơnyờ să ngan bơh ală làng bol kis tàm càr lơgar Hà Nội tŭ do mờ tơnơ̆ do dê.

Kuang đơng lam ƀòn dờng hơ jơh nùs đơng lam Đảng ƀộ, gơnoar atbồ, ling klàng bal mờ làng bol Hà Nội pơn jăt tai tam klăc bal, dùl nùs bal bơ̆t bơtàu mờ tơnguh bơtàu Càr lơgar di pal ngan mờ gơnoar là anih tờm cíñ trị-sră nggal dà lơgar bơh gùt lơgar dê.

Cau mblàng Ndong Brawl