VOV4.K’ho- Drim òr (23/03), tàm hìu pơrjum Dà lơgar Mỹ Đình Hà Nội, Ban chấp hành Đoàn Dà lơgar neh bơyai lơh tơnkah 90 nam ngai crơng gơs Đoàn ơruh pơnu Cộng sản Hồ Chí Minh (26/3/1931-26/3/2021) mờ dờp Huân chương Hồ Chí Minh.

Tổng Bí thư, Chủ tịch Lơgar Nguyễn Phú Trọng; Thủ tướng Nguyễn Xuân Phúc bal mờ ală kuang bàng đơng lam, kuang đơng lam Đảng, Dà lơgar lài do tus bal pơrjum tơnkah

Tổng Bí thư, Chủ tịch lơgar ồng Nguyễn Phú Trọng tus pơrjum mờ geh jơnau đơs tàm pơrjum. Sền wơl 90 nam bơ̆t bơtàu mờ gơs dờng pràn tàm rài kăc màng jăk chài bơh Đảng, bơh jơi bơtiàn dê, Đoàn ơruh pơnu Cộng sản Hồ Chí Minh mờ cau kơnòm să Việt Nam neh sùm ai tơngŏ nùs nhơm kờñ gơboh mờ dà lơgar uă ngan, đềt mềr mờ jơh nùs pin dờn tàm broă đơng lam bơh Đảng, tàm tơngume niam bơnĕ khăt gơboh is jơi bơtiàn mờ chủ nghĩa xã hội.

Đoàn ơruh pơnu Cộng sản Hồ Chí Minh sùm di pal là cau rơcang lài pin dờn bơh Đảng, hìu bơsram xã hội chủ nghĩa, mpồl lơh broă tờm chính trị bơh ơruh pơnu lơgar Việt Nam dê. Đơs tàm dơ̆ tơnkah, Tổng Bí thư, Chủ tịch lơgar ồng Nguyễn Phú Trọng đơs tờm, pal mhar lơh jăt broă bơsram, lơh jăt, lam sồr mờ lơh mùl màl Nghị quyết Pơrjum dờng dơ̆ 13 bơh Đảng gơs ală gùng dà broă lơh dờng Đoàn dê, sền do là gùng dà nàng lơh jăt broă Đoàn mờ broă lơh ơruh pơnu, kơnòm pa tào mờ kơnòm dềt in.

Cau mblàng Ndong Brawl