VOV4.K’ho- Ngai 07/01, Kwang àng càr Dăk Nông neh bơyai lơh Pơrjum tơn jơh broă lơh nam 2021 mờ lam lơh kơnòl broă nam 2022. Jơnau yal tàm pơrjum đơs loh, nam lài, mpồl kwang àng càr Dăk Nông neh tam klac bal, lơh ngan sơrlèt gan kal ke, rơcang lài git broă gơlik geh, lam lơh niam ală kơnòl broă, broă lơh kwang àng tàm tŭ tơngai gơ dờp ờdo ờdă, ngac ngar, gròi sền geh cồng nha kòp Kovid-19.

Mờ ală cồng nha lơh geh, cồng nha jak ngan, nam 2021, mpồl kwang àng Dăk Nông neh geh Củ tịc lơgar pà Huân cương ciến kông khà 2 ai dùl mpồl cau, Huân cương ciến kông khà 3 ai 1 nă cau dùl nă să in, Huân cương sền gàr dà lơgar khà 2, khà 3 ai 11 nă cau dùl nă să in. Kuơmàng do là nam dơ̆ 3 kwang àng càr Dăk Nông pơn iờ să ngan geh Thủ tướng Cíñ phủ pà Bằng khen, nam dơ̆ 4 pơn jat sùm geh Ƀộ Kwang àng pà bồng bi tàm pơrlòng jak ngan “Mpồl lam lài tàm srơh tàm pơrlòng tài lơngap lơngai dà lơgar”.

Cau mblàng K’Duẩn