VOV4.K\ho- Ală anih lơh broă geh gơnoar càr Lâm Đồng dê gam pơn jat tai lùp khàu, lùp sền, jòi ku\p cau tờm lơh aniai mờr 700 tờm nho tàm tiểu khu 274, gơ wèt thôn 6, xã Gia Lâm, kơnhoàl Lâm Hà.

UBND càr Lâm Đồng neh geh sră nggal sồr ală anih lơh broă, ală tiah lơh loh kơnòl, broă lơh tìs bơh ală mpồl cau mờ cau dùl nă să is dê lời gơlik geh broă do.

Cau ờ niam lơh aniai brê nho mờ broă kùar trồm tuh sơnơm khih

UBND kơnhoàl Lâm Hà neh đơs lah, ai jơnau bơsram gơ wèt mờ mpồl kuang bàng UBND xã Gia Lâm, mơkung đơs lah, ai jơnau bơsram gơ wèt mờ 3 nă cau là ồng Đào Văn Hinh, Chủ tịch UBND xã Gia Lâm, mò Nguyễn Thị Thủy mờ ồng Chử Minh Hiếu, kuang bàng lơh broă tàm Mpồl atbồ brê rơcang gàr bồ tô dà Nam Ban.

Mờr 700 tờm nho tàm tiểu khu 274, gơ wèt thôn 6, xã Gia Lâm gam gơtìp chơ\t yrơng tài bơh gơtìp iơm sơnơm khih

Mìng is ồng Trần Văn Tri, Kuang atbồ Mpồl sền gàr brê lơh kơnòl broă sùm sồ 4, gơ wèt Mpồl atbồ brê rơcang gàr bồ tô dà Nam Ban dờp bơta lơh glài đơs lah, ai jơnau bơsram mờ gơtìp tơn jơh at gơnoar broă Kuang atbồ Mpồl sền gàr brê lơh kơnòl broă sùm sồ 4.

Cau mblàng Lơ Mu K’Yến