VOV4.K’ho- Tus tơngai tŭ do, khà priă ai càn  priă bơcri dà lơgar bơh Lâm Đồng dê lơh rlau 1 rơbô 167 tơmàn đong, lơh geh mờr 22% broă rơndap lơh. Pơndrờm dùl tŭ bal mờ nam lài gơmù 0,3%.

Jơnau lơh gơbàn ai càn priă lơyài uă ngan là gơ kòl bè sră nggal bơcri priă; ai ù tiah mờ bàr pe bơta lơyài bơh cau tờm bơcri priă, mpồl mut lơh broă dê. Nàng pơgồp bơnah chồl gơguh lơh sa, UBND càr sồr ală gah sơnah lơh broă, ală tiah pơn jat tai ală broă lơh lơh jat broă bơcri priă dà lơgar bơh kes priă dà lơgar nam 2021 dê. Mơ kung lơh ngan ai wơl priă bơcri ală broă lơh ờ lơh geh khà ai càn priă tus ngai 30/6/2021 rlau 50% pơndrờm mờ khà priă geh ai ai rơndap broă lơh pơn jat tai in halà ờ lơh geh rlau 30% pơn drờm mờ khà priă bơcri ai rơndap broă lơh sơnđờm mut lơh broă pa in, mờ ai wơl ai ală rơndap broă lơh geh khà ai càn priă uă. Mờ tus ngai 30/9/2021, ờ ai broă rơndap lơh priă bơcri nam tơnơ̆ ai ală rơndap broă lơh geh mpồl lơh  broă lơh ờ lơh geh rlau 30% pơndrờm mờ khà priă ai. Geh gĭt, nam 2021 Lâm Đồng geh jàu kờp jơh priă bơcri dà lơgar rlau 5 rơbô 245 tơmàn đong.

Cau mblàng K’Hạnh