VOV4.K’ho- Tơnơ̆ tơngai ơm ing uă broă lơh nàng rcang sơndră kòp Covid-19, UBND càr Lâm Đồng ai ngui sră nggal ai gơnoar bàr pe tiah drơng broă ala lơh broă wơl kờp bơh 2 jiơ mho ngai 27/5. Jat hơ̆, bàr pe broă drơng ala bè koh siăt soh, lơh niam, anih tăc phan sa –dà hùc jat kềng gah gùng mờ ală môn tàp pràn să jan, câu lạc bộ tàp pràn să jan lơh broă wơl bơh 2 jiơ mho ngai 27/5.

Tàm tŭ hơ̆, ală broă drơng ala bè quán bar, karaoke, anih tam ya, nhơl điện tử, drà măng, massage, anih lơh lơma, ală broă lơh đơs crih tam ya mờ ală broă lơh nhơl chờ lơh rài ƀồ tơngoh tơrgùm tàm ală ƀlàng dờng, kềng gah tơnau dà, công viên, ală khà tàm pơrlòng tàp pràn să jan kung sồr pal ơm ing lơh broă tus di tŭ geh jơnau yal pa. Tŭ do, càr Lâm Đồng gam lơh jat broă lơh ai ơm yah ngài 209 nă cau rê bơh tiah kòp, tàm hơ̆ geh 10 nă cau ơm yah ngài tàm Hìu sơnơm, 127 nă cau ơm yah ngài tơrgùm bal mờ 72 nă cau ơm yah ngài is tàm hìu. Drim ngai 27/5, geh tai 52 nă cau xét nghiệm ndrờm ai cồng nha ờ bơtờp mờ kòp Covid-19.

Cau mblàng K’Hạnh