VOV4.K’ho- Nàng gàr niam broă lơh rcang sơndră kòp Covid-19 tàm ngai tĕ khà, Sở Y tế càr Lâm Đồng neh geh sră nggal sồr ală Hìu sơnơm, anih kham sơm kòp tàm ù tiah càr dê ai mpồl cau lơh sơnơm, rcang bơsong, sơndră mờ ală bơta digơlan gơlik geh.

                  Kuang bàng lơh sơnơm gam rcang lài chèu glòm muh mat, dà rào kloh khuẩn tàm tiah đùh sră

Sở Y tế càr Lâm Đồng neh sồr ală Hìu sơnơm kơnă càr; Hìu sơnơm ală kơnhoàl, ƀòn dờng mờ Hìu sơnơm dờng Hoàn Mỹ Dà Làc, tơl mpồl lơh broă crơng gơs 1 mpồl kấp cứu ntrờn làm bă tiah tàm hơ̆ geh ală bác sỹ, điều dưỡng mờ cau măy rơndeh, geh tơl làm sơnơm tơmƀa, rơndeh rơndồ kấp cứu, rơndeh hìu sơnơm dê nàng rcang dong kờl di tŭ ai ală kơnhoàl, ƀòn dờng mờ xã, sơnah ƀòn, thị trấn in. Mờ kung yal gùng che điện thoại mhar bơh mpồl lơh broă dê ai xã, sơnah ƀòn, thị trấn mờ ală Mpồl tĕ khà tàm càr in di tŭ dờp jơnau yal tŭ kờñ pal geh.Bơdìh hơ̆, hìu sơnơm tàm càr pal sơnđờm ngui jơh ală mpồl lơh broă mhar, rcang lài lơh jat ală broă lơh rcang sơndră kòp Covid-19 tŭ geh bơta gơlik geh. Gah lơh sơnơm kung neh hòi jà rlau 1 rơbô 100 nă Kuang bàng lơh sơnơm lơh broă tàm jơh ală anih tĕ khà nàng rcang broă lơh rcang sơndră kòp.

Cau mblàng K’Hạnh