VOV4.K’ho- Tơnơ\ ală tu\ jiơ bơsram sră tàm ơdu\, ală kơnòm bơsram Hìu bơsram Dân tộc nội trú phổ thông trung học càr Lâm Đồng gam geh bơtê ală jơnau g^t wă bè lơh broă sa suơn sre ngui công nghệ cao. Tàm suơn hìu krơh geh hìu bơsram bơcri lơh rlau 150 tơlak là tiah mờ cau pơgru mờ kơnòm bơsram lơh bal tam biăp, bơkào công nghệ cao uă nam do.

Tus tàm Hìu bơsram Dân tộc nội trú phổ thông trung học càr Lâm Đồng, tàm sơnah [òn 3, [òn dờng Dà Làc, uă cau ai lơh nrơ\t ndơl tàm blàng hìu bơsram geh tiah tam bơkào, biăp ngui công nghệ cao ơnàng rlau 500 thơk vuông. Suơn ờ mìng là phan bơto sền tơn mờ mat nàng kơnòm bơsram in lơh jat mờ gam là khà pơgồp bal lơh kes priă pơn jờng bơsram bơh hìu bơsram dê. Bơh bơta pơlam bơh cau pơgru, jơh g^t nđờ rơhiang nă kơnòm bơsram neh lơh jat broă tam mờ tăc tàm drà kă bro g^t nđờ rơhiang ntê bơkào cúc tơl kàl tơnhào.

Oh Dà Căt Phương, kơnòm bơsram ơdu\ 12B, pà g^t, tơnơ\ tu\ tus bal sơngka sền gàr suơn den să tờm oh neh geh uă tai jơnau g^t wă bè broă tam biăp, bơkào ngui công nghệ cao. Tu\ do, kơnòm bơsram neh g^t tàm pà khà dà tuh, phơng ơn jat ală tu\ tơngai dờng bơh chi tam dê.

 Bơh lơh broă tàm suơn hìu krơh den bol oh geh g^t ală bơta chài lơh ù in lơbơn, ală bơta phơng sih, khà dà di pal. Ală broă lơh nàng biăp, plai đo in hòn dờng pràn ngan rlau jơh. Bơdìh hơ\ tai, bol oh gơtùi ngui bơta chài mờ bol oh neh geh bơtê tàm hìu bơsram rê tàm hìu nàng dong kờl mè bèp.

Bơh ală tu\ jiơ bơsram mut lơh ngan ngồn, tus tu\ do ală kơnòm bơsram neh lơh jat ală broă lơh bè ờng sơn tìl, klài phơng ơn, pơrgon tu\ jiơ tuh dà ờs mờng. Kơnòm bơsram ală ơdu\ neh jơh nùs ngan tus bal tàm ală broă sơngka sền gàr, tơnhào biăp, bơkào. Jat oh Ya Duyệt, ơdu\ 12A, bal mờ bơta g^t wă bơh cau pơgru dê bơto bơtê, să tờm oh sùm kơlôi sơnơng tai tàm sră pờ àr mờ tàm internet broă sơngka sền gàr nàng suơn chi in lơh geh cồng nha uă ngan rlau jơh.

 Bơh tu\ geh broă lơh do ală bơyô tryang tryồng rlau tai, ờ hoan lik bơdìh nhơl tai, bơsram g^t tai ală broă lơh tơr gùm lơh broă jat mpồl. Dong bol oh tàm klăc rlau mờ kis tàm tiah ơm kis bal do geh g^t wă bal mờ gơ\p rlau tai, lơh broă geh niam rlau mờ geh cồng nha rlau tai.

Bơh dùl tiah lời gời mờ uă chi che nhơ\t, phan kis lơh aniai tus pràn kơl dang să jan kơnòm bơsram. Hìu bơsram Dân tộc nội trú phổ thông trung học Lâm Đồng neh bơcri priă lơh gơ gơs suơn công nghệ cao mờ tơl hìu krơh, ală ding dà tuh phơng gơmut tơn tàm ù, tuh dà is nàng tam bơkào, biăp geh cồng nha uă. Ờ mìng ai tơl biăp kloh niam drơng broă sa ai 450 nă kơnòm bơsram bơh hìu bơsram dê, mờ khà biăp gam jơng kah hìu bơsram tăc mờ ală cau lơh sa kă bro bơdìh nàng pơgồp tàm kes priă đoàn, hội.

Klau pơgru Nông Văn Hưng-Bí thư Đoàn hìu bơsram Dân tộc nội trú phổ thông trung học Lâm Đồng pà g^t, kơnòm bơsram bơh hìu bơsram dê uă ngan là oh kòn làng bol kòn cau, broă bơto bơtê ală oh in kờ` gơboh mờ broă lơh sa suơn sre mờ g^t lơh sa suơn sre ngui công nghệ cao là bơta kờ` pal geh ngan. Do là dùl tàm ală broă lơh dong kơnòm bơsram hìu bơsram dê geh ală bơta sac rơ wah gùng lòt sơn đờm mut lơh broă tơnơ\ do in.

 Tu\ tam bơkào ală oh geh tai priă jền. Đoàn Ơruh pơnu tă dùl bơnah ai ală oh in lơh broă tàm Đoàn geh cồng nha rlau tai. Tàm broă bơsram sră ngui kes priă do ală oh geh ngui nàng blơi tai ală sră pơ àr, ală phan ngui tàm broă bơsram, tă dùl bơnah blơi phan pà ală kơnòm bơsram r[ah tàm tiah sar lơgar ngài in.

Mờ ală bơta kơ\p kờ` tàm broă bơsram mờ bơta chài lơh sa suơn sre ngui công nghệ cao geh bơto bơtê tàm cơ ghế hìu bơsram, ală kơnòm bơsram hìu bơsram Dân tộc nội trú phổ thông trung học Lâm Đồng geh kơ\ kơl jap rlau tai tu\ rơ wah ai să tờm he in gùng dà sơn đờm mut lơh broă.

Cau mblàng K’ Hạnh