VOV4.K’ho – Tus tu\ do, Sở Nông nghiệp mờ Phát triển nông thôn càr Lâm Đồng neh bơt bơtàu 68 ròt phan sa ờ do ờ dă mờ bă ù rlau 4 rbô lồ, gơguh 14 ròt bơta phan pơn drờm mờ nam 2016. Tàm hơ\ geh 60 ròt biap, ce, kơphe, chi sa plai, chi lơh sơnơm; 8 ròt ròng phan, tam bơkàu mờ tam kòi mbar.

Bal mờ hơ\, Sở Nông nghiệp mờ Phát triển nông thôn càr Lâm Đồng neh mờ gam mut lơh ală broă lơh dong kờl mờr 50 hìu nhă lơh broă sa tam rlau 100 lồ biap, ce, sầu riêng jat khà tơl VietGAP mờ ròng mờr 900 nơm sur VietGAP. Kờp tus bồ nhai 11 nam 2017, kờp jơh bă chi tam ngui công nghệ cao jat ală khà tơl VietGAP, GlobalGAP, 4C, Rainforet, UTZ tàm Lâm Đồng geh 56 rbô lồ.

Ală anih lơh broă geh gơnoar bơh Sở Nông nghiệp mờ Phát triển nông thôn càr Lâm Đồng geh kơnòl lòt sền, lùp sền, sền gròi sùm bơta niam ờ do ờ dă phan sa bơh tơl ròt phan tam klac lài mờ tu\ tac tàm drà kă bro.