VOV4.K’ho- Di tơngkah 46 nam Ngai tơngklàs tiah đah jum, tơrgùm dùl dà lơgar (30/4/1975- 30/4/2021), drim ngai 29/4, Tỉnh ủy, Hội đồng Nhân dân, Ủy ban Nhân dân, Ủy ban Mặt trận dà lơgar Việt Nam càr Lâm Đồng neh yŭ rơyùm bơyai lơh còp ƀồc ală cau ling chơt màng tàm ƀlàng tơp ƀồc cau ling khin cha jak chài chơt màng ƀòn dờng Dà Làc.

Tàm nùs nhơm ki ngàm, ală guàng bơkàu geh cih “Sùm sùm kah ưn ngài dà kơl hề ală cau ling khin cha jak chài chơt màng” mờ ală nrang ñàng neh geh ală kuang bàng chu tàm Anih kah kơlôi mờ lời dùl phuk kah kơlôi mờ nùs nhơm ki ngàm nàng kah ưn ngài ală cau ling khin cha jak chài, cau ling chơt màng neh chơt phi să tàm 2 dŏ tam lơh dờng màng bơh jơi bơtiàn dê bal mờ bơta ki ngàm, nùs nhơm git ưn ngài uă ngan bơh Đảng bộ, gơnoar atbồ mờ làng bol càr Lâm Đồng dê gơ wèt tus mờ ală cau ling khin cha jak chài, cau ling chơt màng, ală cau ờ pơlai mhàm ntìng he dê nàng sền gàr lơngap lơngai is, khat gơboh ai jơi bơtiàn in, bơta gơboh gơbài ai làng bol in. Tơnơ̆ dơ̆ ơn guàng bơkàu mờ chu ñàng tàm Anih kah kơlôi, kuang đơng lam bồ càr mờ ală kuang bàng neh chu ñàng tàm tơl bơtô ƀồc bơh ală cau ling khin cha jak chài chơt màng dê.

Cau mblàng K’Duẩn