VOV4.K’ho- Nàng kờñ lơh gơlik bơta niam nàng cau tơlik mat tĕ khà kuang bàng Quốc hội khóa 15 mờ kuang bàng Hội đồng Nhân dân ală kấp càr Lâm Đồng tơngai lơh broă bơh nam 2021 tus nam 2026 geh tìp mat cau tĕ khà, lam lơh gơnoar hòi jà tĕ khà, Ủy ban tĕ khà càr Lâm Đồng bơyai lơh ală anih tìp mat tàm ală mpồl tĕ khà tàm càr jat di broă rơndap tap sèng, sră nggal mờ tŭ tơngai jat jơnau sồr. Tàm hơ̆, càr bơyai lơh 40 anih tìp mat cau tĕ khà tàm 3 mpồl tĕ khà kuang bàng Quốc hội khóa 15, 142 anih tìp mat tàm 18 mpồl tĕ khà kuang bàng Hội đồng Nhân dân càr khóa 10, tơngai lơh broă bơh nam 2021 tus nam 2026.

Tàm ală anih tìp mat cau tĕ khà ndrờm ngui nền nòn ală broă rơndap lơh sền gròi mờ gàr ală broă lơh rơcang sơndră kòp Covid-19. Mìng is tàm mpồl tĕ khà sồ 1 bơh kuang bàng Quốc hội khóa 15 dê geh ală kơnhoàl Lạc Dương, Đơn Dương, Đức Trọng mờ ƀòn dờng Dà Làc, tài broă gơlik geh kal ke bơh kòp Covid-19 dê, càr Lâm Đồng neh tam gơl broă bơyai lơh tìp mat cau tĕ khà đah cau tơlik mat tĕ khà mờ cau tĕ khà bơh broă lơh tìp mat tơn gơs broă lơh pờ tơlik tàm internet. Tus tŭ do, broă bơyai lơh nàng cau tơlik mat tĕ khà kuang bàng Quốc hội khóa 15 mờ kuang bàng Hội đồng Nhân dân ală kấp càr Lâm Đồng dê neh lơh gơs jat di jơnau sồr.

Cau mblàng K’Duẩn