VOV4.K’ho-Bi Lơ Mu Ha Hang là cau bơh sơnrờp tàm thôn 1, xã Dà Sar, kơnhoàl Lạc Dương, càr Lâm Đồng khin cha koh kơl tờm kơphê nàng ai ù tam tờm bơkàu, đòm jat ală broă lơh tam phan pa lơh geh cồng nha lơh sa uă. Lơh pas ai hìu bơnhă in, bi neh dong kờl uă làng bol tàm [òn lơgar in bơtàu tơnguh bal tàm broă lơh sa.

            Bi Lơ Mu Ha Hang, cau K’ho Cil deh nam 1970 ơm tàm thôn 1, xã Dà Sar, kơnhoàl Lạc Dương, càr Lâm Đồng. Nam 1991, tu\ jơh lơh kơnòl broă lòt ling rê wơl hờ [òn lơgar, bi tơngơs hìu bơnhă. Mờ bàr pe sàu ù bơh sơnrờp bơh pô me pô bèp dê pà ùr bơklau bi in, ùr bơklau bi tam tơngời mờ tờm kơphê mơya tơnhàu ờ geh tơl nàng ngui sa tàm rài kis. Lơh broă tàm mpồl cau ling yau, bi lòt còp broă lơh pas bơh oh mi cau Yoan dê tàm uă tiah. Bi lơh ngan jơh nùs pal tam gơl bơta kơlôi sơnơng, broă lơh nàng bơtàu tơnguh lơh sa. Bi Lơ Mu Ha Hang, đơs bè do:

            Lài do, rài kis hìu bơnhă a` kal ke ngan, tài bơh ờ geh bơta gi\t wa\ tàm broă lơh sa. Bơh sơnrờp a` kung đòm jat oh mi tàm [òn lơgar tam tơngời mơya ờ go\ geh tơl nàng ngui sa, den tàng a` tam gơl wơl tam tờm kơphê.

Jat gơ\p bơyô lòt còp uă tiah, a` rơhời gi\t wa\ mờ rê đòm jat ngui tàm broă lơh sa hìu bơnhă dê. A` sền go\ tờm kơphê mìng ai tơnhàu dùl nam dùl dơ\ lơm, ngui sa ờ tơl tàm rài kis, mờ sền go\ tàm tiah ndai cau dê lơh sa geh priă jền pah nhai bơh broă lơh sa sươn sre.

Tu\ do, a` neh ngui công nghệ cao tàm broă lơh sa, geh priă jền sùm pah nhai. Bè bơkàu cẩm tú cầu do, dùl poh a` pik bàr dơ\, ai bơkàu hồng den a` pa tam, ờ hềt geh uă bơta mờng chài, pal lùp bơsram uă tai…

Bi Lơ Mu Ha Hang koh bơkàu cẩm tú cầu rơcang lòt tăc

            Bi khin cha càn priă ờ sa priă cồng uă bơh Dà lơgar dê, bơcri priă rề ơnàng rơhời bă ù lơh sa. Hời rơhời ùr bơklau bi rồ tai ù, rề ơnàng bă ù lơh sa mờ dan càn tai priă jền bơcri lơh sa dờng rlau.

Tus tu\ do, bi neh geh sươn biăp, bơkàu gơcèng wơl priă jền lơh sa uă, bè: biăp bó xôi, bơkàu cẩm tú cầu, hướng dương, bơkàu hồng…jat broă lơh ngui công nghệ cao. Ùr bơklau bi gam ròng tai rơpu kơnrồ rlau 30 nơm, lơh geh phơng ơn phan tam in...

Rài kis hìu bơnhă geh phan sa phan prăp, bi Lơ Mu Ha Hang geh phan bơna nàng dong kờl oh mi tàm [òn lơgar bè priă jền lơh sa kung bè bơto pơlam bơta chài tàm broă lơh sa. Bi Lơ Mu Ha Hang, đơs:

            Tus tu\ do, a` kung neh pà oh mi [òn lơgar in càn gi\t nđờ rhiang tơlak priă mờ ờ go\ sa priă cồng, a` kơ\p kờ` làng bol ngui priă jền hơ\ geh cồng nha, nàng lơh sa hìu bơnhă kung bơtàu tơnguh bè a` dê sơl…

A` kơ\p kờ` ngan kòn cau he tam klac bal dùl nùs tơryang tơryồng lơh broă lơh sa tàm rài kis, gi\t đòm jat ngui bơta jak chài pa tàm broă lơh sa, bơ\t bơtàu [òn lơgar sơlơ bơtàu tơnguh.

Sươn bơkàu hồng tàm hìu krơh

            Là dùl tàm uă ngan cau geh bi Lơ Mu Ha Hang dong kờl klàs bơh r[ah, bi Cil K’Ni, ơm tàm thôn 1, xã Dà Sar, kơnhoàl Lạc Dương đơs bè do:

            Tàm thôn do, bi hơ\ là cau gi\t lơh sa, lơh sa hìu bơnhă tơl ngui tơl sa. Bi kung sùm dong kờl bol a` sơl, bè ai càn priă mơya ờ go\ sa priă cồng dùl êt lơi, kung jơh nùs ngan bơto pơlam tàm broă lơh sa. Bol a` kờ` ngan đòm jat krơh bi dê…

Bơkàu hướng dương pa tam

            Đơs bè bi Lơ Mu Ha Hang, bi Liêng Jrang K’Sáu, Chủ tịch Mpồl cau lơh broă sa xã Dà Sar, kơnhoàl Lạc Dương, càr Lâm Đồng geh jơnau đơs tơngo\ nùs nhơm pơn jờng ngan: bi hơ\ là dùl krơh àng bè bồ tơngoh gi\t sơrlèt gan kal ke bơh cau ling Wa Hồ dê, gi\t sơrlèt gan jơh ală bơta kal ke, lơh ngan brồ guh lơh pas dipal ai să tờm, hìu bơnhă mờ [òn lơgar in. Bi Liêng Jrang K’Sáu, đơs bè do:

            Lơ Mu Ha Hang là krơh niam bơh [òn lơgar dê tàm broă lơh sa. Rê bơh mpồl ling, rê wơl hờ [òn lơgar, bi gi\t tam gơl rơndăp tăp sèng tờm chi tam phan ròng, bè tam gơl bơh tờm tơngời, tờm kơphê mờ tu\ do bi neh tam gơl tam ală tờm biăp, bơkàu nàng lơh geh uă tai priă jền ai hìu bơnhă in, kung bè dong kờl oh mi tàm [òn lơgar.

A` kơ\p kờ` làng bol tàm [òn lơgar gi\t đòm jat krơh bi Ha Hang dê tam klac, tơryang tơryồng tàm broă lơh sa nàng bơ\t bơtàu [òn lơgar ngai sơlơ bơtàu tơnguh rlau tai…

            Uă nam sùm, bi Lơ Mu Ha Hang geh jờng rơ là cau lơh broă sa pơnrơ tàm srơh lơh sa kă bro jak bơh càr Lâm Đồng dê. Bi neh lơh geh bơta gơkờ` ai làng bol kòn cau K’ho in đòm jat, khin kơlôi khin lơh, sơrlèt gan kal ke lơh pas dipal tàm [òn lơgar he dê!

            Cau cih, mbàng mờ yal tơngi\t- Lơ Mu K’Yến