VOV4.K’ho – Di tơngkah 71 nam Ngai cau ling sồt să, cau ling chơt màng, ngai òr (24/7), Kuang đơng lam càr Lâm Đồng neh sơn đờm bơyai lơh 4 mpồl tus còp mờ pà phan ală hìu bơnhă geh sră dong kờl bơh dà lơgar geh pơn rơ ngan tàm càr.

Bơdĩh mờ pà phan bơh Chủ tịch lơgar dê tus rlau 10 rbô nă cau geh sră dong kờl bơh dà lơgar tàm càr, Lâm Đồng kung tă kes priă càr dê pà phan rlau 12 rbô nă cau là ală cau ling kòp tê jê să, hìu bơnhă cau ling chơt màng, cau geh màng dong kờl dà lơgar, tơl bơnah phan pà kờp priă 150 rbô. Mìng is mè Việt Nam khin cha jak chài, cau ling khin cha jak chài, cau ling lơh broă khin cha jak chài geh pà tơl bơnah phan geh 1 tơlak 200 rbô, tàm hơ\ geh 200 rbô blơi phan bơna mờ phan ngui.