VOV4.K’ho – UBND càr Lâm Đồng neh geh kơrnuat crơng gơs Kes priă sơn đờm mut lơh broă kờ` dong kờl priă bơcri bơh sơn rờp ai cau dùl nă să, mpồl cau dùl nă să, hợp tác xã, mpồl lơh broă bal, mpồl lơh sa kă bro tàm càr mut lơh jơnau bơceh mờ rơndap broă sơn đờm mut lơh broă. Kes priă dong kờl sơn đờm mut lơh broă càr Lâm Đồng gam dờp mờ atbồ priă bơcri, jơtài bơh ală mpồl bal, cau dùl nă să tàm lơgar mờ lơgar ndai tă pơ gồp, dong kờl nàng lơh gơs priă bơcri mut lơh ală broă lơh sơn đờm lơh broă di mờ jơnau kờ` lơh broă bơh kes priă dê.

Bơdĩh mờ priă bơcri bơh kes priă dà lơgar dê dong kờl bơh sơn rờp tơngai bơh nam 2017 tus nam 2020 là 5 tơmàn, Kes priă dong kờl sơn đờm mut lơh broă càr Lâm Đồng gam hòi jà priă bơcri bơh broă tă pơ gồp is bơh ală anih lơh broă, mpồl bal, cau dùl nă să tàm lơgar mờ lơgar ndai di mờ jơnau cih bơh adat boh lam dê.

             Cau mblàng K’Duẩn