VOV4.K’ho- Mpồl Kuang bàng Quốc hội càr Lâm Đồng neh geh dơ\ lơh broă mờ UBND càr Lâm Đồng bè bàr pe tơngume kuơmàng nàng rơcang ai dơ\ pơrjum dơ\ 6, Quốc hội khoá 14 mờr tus in, tàm hơ\ geh broă lơh atbồ sền gàr brê.  

                     Dùl dơ\ mus brê pa gơlik geh tàm Lâm Đồng mơya anih lơh broă geh gơnoar ờ go\ sền go\ gờ`

Bơh bồ nam tus tu\ do, mpồl lơh broă geh gơnoar càr Lâm Đồng dê sền go\ mờ lơh sră nggal 660 dơ\ lơh tìs Adat Sền gàr mờ Bơtàu tơnguh brê, tàm hơ\ geh rlau nggùl khà dơ\ ờ hềt sền go\ cau lơh tìs, lơh hoàc hươr rlau 45 lồ brê, mờ rlau 2.550 khối dơm chi.

Jat UBND càr Lâm Đồng dê đơs, nàng tơnguh uă cồng nha tàm broă lơh atbồ brê, bơdìh mờ sơlơ đơng lam broă lơh lòt sền, lùp khàu mờ lơh glài krà` ală cau lơh tìs, càr dan mờ Mpồl kuang bàng Quốc hội càr Lâm Đồng dan mờ Bộ Nông nghiệp mờ Phát triển Nông thôn geh gùng dà atbồ dơm chi tàm ală anih lơh gơlik mờ phần mềm tơrgùm bal.

Dilah tu\ anih lơh broă dà lơgar gròi sền geh anih lơh gơlik, anih tờm geh bơh dơm chi dê tàm ală anih lơh gơlik den hơ\ sồng tơrmù geh jơnau mus brê gơlik geh.

Cau mblàng Lơ Mu K’Yến