VOV4.K’ho- Ngai 24/11, Lâm Đồng neh lơh gơs broă cit sơnơm vaccine kòp Covid-19 ai kơnòm bơsram tàm 38 hìu bơsram kấp 3 mờ hìu bơsram bơto broă lơh tàm 5 kơnhoàl, ƀòn dờng in. Do là dùl tàm ală broă lơh nàng càr gờñ ai jơh ală kơnòm bơsram lòt bơsram wơl tơn tàm hìu bơsram.

Jat hơ̆, kơnòm bơsram bơh 16 tus hơ đơm 18 sơnam tàm ală tiah geh kòp Covid-19, geh ƀòn dờng Dà Làc mờ ală kơnhoàl Đức Trọng, Lâm Hà, Đơn Dương mờ Lạc Dương geh ai cit lài dơ̆ do mờ kờp jơh rlau 21 rbô 300 ding. Do là dùl tàm ală broă lơh ngan nàng gah bơto bơtê mờ bơsram càr Lâm Đồng lam lơh gơ dờp ờdo ờdă, ngac ngar, gàr niam broă lơh rơcang sơndră kòp, tơnguh khà kơnòm bơsram lòt bơsram wơl tơn tơnơ̆ tŭ tơngai jŏ jòng bơsram tàm internet.

Cau mblàng K’Duẩn