VOV4.K’ho- UBND càr Lâm Đồng pa ring bal mờ broă jàu bă ù brê kơ\ kơl jăp jo\ jòng nàng ală hìu làng bol kòn cau thôn Tố Lan, xã An Nhơn, kơnhoàl Dà Teh in tam gle tầm vông nàng kờ` tơnguh uă priă lơh geh mờ kơ\ kơl jăp rài kis.

Jat mờ hơ\, UBND càr Lâm Đồng jàu kơnhoàl Dà Teh in lơh gùng dà broă lơh jàu pơgăp 20 lồ ù brê tàm xã An Nhơn ai ală hìu dờp bă mờ bơtàu tơnguh brê. Cau geh jàu bă geh tam gle tầm vông pơgồp bal mờ tam bơrlu\ bal chi brê dơm chi dờng mờ jơi chi mờ bơta jir dipal mờ chi che geh tàm brê mờ priă jền geh bơh lơh broă brê bơnơm.

Kơryan ờ ai ngan broă tam gơl jơnau kờ` ngui ù mờ ờ go\ geh kă bro bă ù geh jàu tu\ ờ hềt geh jơnau ai gơnoar bơh ală anih lơh broă geh gơnoar dê. UBND càr Lâm Đồng jàu gah lơh broă sa sươn sre in lam lòt sền ngan ngồn; bơto pơlam lơh gùng dà broă lơh jàu ù ai ală hìu làng bol in.

Cau mblàng Lơ Mu K’Yến