VOV4.K’ho- Gah lơh sơnơm càr Lâm Đồng gam cih mat mờ geh broă rơndap lơh cit sơnơm vaccine rơcang sơndră kòp Covid-19 dơ̆ 5 tàm càr, mờ kờp jơh mờr 36 rbô ding. Mờ jơnau kờñ rơcang sơndră kòp Covid-19 mờ broă ngui sơnơm vaccine ai ală cau in jat Nghị quyết sồ 21 bơh Chính phủ dê. Tàm hơ̆, ai lài 100% cau neh cit ding dơ̆ 1 mờ 95% cau geh jơnau pơhìn bơh khà uă ngan rlau jơh tus ală khà pơn jat tai geh cit ding dơ̆ 1 ai làng bol tàm càr in. Jat Sở Y tế càr Lâm Đồng yal, broă lơh cit sơnơm vaccine dơ̆ 5 kờp dŭ geh lơh tàm 2 dơ̆ mờ lơh gơs lài mờ nhai 8 do.

Nàng broă cit sơnơm vaccine geh lơh ờdo ờdă, ring niam mờ gàr niam broă lơh rơcang sơndră kòp, broă cit sơnơm vaccine geh lơh tàm ală anih cit sơnơm vaccine neh yal geh tơl bơta nàng cit sơnơm vaccine tàm càr, geh: Hìu sơnơm dờng càr, Hìu sơnơm dờng 2 càr Lâm Đồng, Hìu sơnơm dờng Hoàn Mỹ Dà Làc, Anih tờm gròi sền kòp tê jê să càr Lâm Đồng mờ Hìu sơnơm 12 kơnhoàl, ƀòn dờng tàm càr.

Cau mblàng K’Duẩn