VOV4.K'ho - Tàm [òn dờng Dà Làc, Gah nhơl chờ càr Lâm Đồng neh bơyai lơh dơ\ lam lơh ngui ală bơta pal jat boh bơr git jơnau nhơl chờ tàm [òn dờng. Do là broă lơh ngan ngồn kờ` tơnguh bơta niam broă drơng ala bơh gah nhơl chờ Dà Làc – càr Lâm Đồng dê, drơng jơnau kờ` ngai sơlơ uă bơh nac nhơl chờ tàm lơgar mờ lơgar ndai dê:

Jat mờ hơ\, ală bơta pal jat boh bơr git jơnau nhơl chờ bơh càr Lâm Đồng dê geh 2 tap, 12 bơta kờ` bơsong broă lơh bơh bơr ai 10 mpồl cau geh gơ rềng, geh nac nhơl chờ; ală mpồl bal, cau dùl nă să kă bro tàm gah nhơl chờ; mpồl lơh sa kă bro bơyai lơh nhơl chờ; cau pơlam nhơl chờ; anih ơm nhơl chờ; mpồl pơndiang nac nhơl chờ, hìu tac phan `ô sa, anih lơh broă drơng ala sàu sa; anih blơi phan bơna ndrơng nac nhơl chờ in; ală bă tiah, anih tus sền nhơl chờ mờ [òn làng bol ơm kis.

                                                         Dơ\ pơrjum lam lơh pal jăt  boh bơr git jơnau nhơl chờ

Tàm hơ\, gơwèt mờ tơl mpồl, tơl cau do geh ală jơnau đơs kờ` pơyua, ală bơta pal jat is drơng jơnau kờ` bơt bơtàu rùp să kòn bơnus Dà Làc – Lâm Đồng “Lơbơn niam – git jơnau - kờ` nac”.

Tàm dơ\ lam lơh, 1 rbô nă đoàn viên, ơruh pơnu mờ kơnòm bơsram tàm càr Lâm Đồng neh lơh jat broă lơh ngai rlô tơlir, tus khòm tơr gùm sồ siă tàm ờ uă gơl gùng tờm bơh Dà Làc dê. Bi ùr Trần Diệp Mỹ Dung, kuang bàng Tỉnh đoàn Lâm Đồng pà git, ală broă do geh lơh sùm kờ` lơh geh ală tam gơl niam tàm broă tơnguh git wă sền gàr tiah ơm kis tơlir, kloh niam ai làng bol mờ nac nhơl chờ in tu\ tus mờ Dà Làc – Lâm Đồng:

“Tỉnh đoàn Lâm Đồng neh geh broă lơh lik lơh broă ngai rlô tơlir, ngai dơ\ 7 lơh broă dong kờl is nàng tus bal pơs wàs tàm ală gơl gùng lòt, ală tiah nhơl chờ… bơh ală broă lơh hơ\ den Tỉnh đoàn geh rơcang lài bơyai lơh sùm mờ uă rlau tai. Bol a` kờ` wèt tus là ală bơ yô đoàn viên ơruh pơnu geh lơh gơs ală tam gơl niam mờ geh bơta lơh uă tàm mpồl bơtìan nàng ngui ală bơta pal jat boh bơr git jơnau nhơl chờ tàm càr Lâm Đồng dùl bă geh cồng nha ngan rlau jơh.”

Mò Nguyễn Thị Nguyên, kuang atbồ Sở Văn hoá, Thể thao mờ Du lịch càr Lâm Đồng pà git, gùt càr tu\ do geh mờr 1 rbô 300 anih ơm nhơl chờ, rlau 100 tiah tus sền nhơl chờ, mờr 60 kong ti bơyai lơh nhơl chờ mờ git nđờ rbô mpồl bal, cau dùl nă să tus bal kă bro ală bơta broă drơng ala nhơl chờ, blơi phan bơna, pơndiang lòt rê… ai geh broă lơh tơn rlau 10 rbô nă cau in mờ rlau 25 rbô nă cau lơh broă bal. Khà nac tus sền mờ ơm rlô să tàm Lâm Đồng kung ngai sơlơ gơguh uă. Mìng is nam do, kờp du\ lài geh mờr 5 tơlak 900 rbô dơ\ nac nhơl chờ, tàm hơ\ geh rlau 400 rbô dơ\ nac nhơl chờ dunia.

Nàng lơh geh jơnau kờ` bơt bơtàu nhơl chờ Dà Làc – Lâm Đồng gơ gơs là tiah tờm nhơl chờ geh bơta niam uă, mờ là anih tus “ờ do ờ dă – git jơnau - rềp mềl”, jat mò Nguyễn Thị Nguyên, broă lam lơh jat ală bơta pal lơh jat boh bơr git jơnau nhơl chờ do kờ` pal sùm geh sơlơ lơh uă mờ  chồl pràn rlau tai:

“Lam lơh jat ală bơta pal lơh jat do digơlan geh bơta lơh bal bơh jơh ală gah, mpồl lơh broă mờ jơh mpồl lơh broă chính trị càr dê. Kuơ màng là tơnguh git wă mờ lơh niam broă lơh bơh ală mpồl bal, cau dùl nă să gam tus bal tàm broă lơh nhơl chờ, ngan là gơ wèt mờ [òn làng bol ơm kis. Bol a` kơp kờ` là broă ngui do geh cèng bơta kơ\ kơljap, geh lơh sùm, tơnguh git wă mờ lơh niam broă lơh boh bơr nàng lơh bè lơi pơgồp bơnah bơt bơtàu rùp să nhơl chờ bơh càr Lâm Đồng dê jat gùng dà broă lơh ờ do ờ dă, rềp mềl mờ mờng chài.”

Dà Làc, Lâm Đồng là tiah nhơl chờ ơm rlô să geh pơn rơ tàm lơgar mờ dunia. Lơh jat niam ală bơta pal jat boh bơr git jơnau nhơl chờ, lơh gơs tiah nhơl chờ rềp mềl, git jơnau geh sơlơ lơh niam rlau tiah tus do tàm mat nac nhơl chờ, pơgồp bơnah bơtàu tơnguh pràn kơldang gah lơh sa kuơ màng do.

                                                         Cau cih mờ yal tơng^t K’Duẩn