VOV4.K’ho - Bơh ngai 1/6, Lâm Đồng ngan ngồn mut lơh broa\ lơh bè bơta trơ gùm bal jơh ala\ văn phòng bơh ala\ Ban Đảng cấp càr rê mờ văn phòng Tỉnh ủy kờ` drơng broa\ lơh bal. Do la dùl  cơnđòa tam gơl pa kuơ màng ngan nàng tơmù  biên chế mờ  rơndap niam wơl mpồl cau kuang, cau  lơh broa\ sa pria\ nhai dà lơgar, bơt bơtàu gơnoar broa\ bơh ròt chính trị ìol niam, geh cồng nha, cồng nha jat Nghị quyết sồ 39 bơh Bộ Chính trị mờ Nghị quyết sồ 18 bơh Ban Chấp hành Đảng  khóa XII. Mờ bơta  ring bal jơnhua ngan bơh ala\ cau kuang bàng geh đảng,  ngan la bơta lơh ngan dờng bơh atbồ ala\ gah đảng, broa\ tơmut bal do neh  bơyai lơh bươn bòai mờ niam bơne\.

Geh lơh broa\ lơh bơt bơtàu mờ bơyai lơh mut lơh Đề án sồ 03 bơh Ban Thường vụ Tỉnh ủy bè broa\ tơ mut bal văn phòng  bơh jơh ala\ ban Đảng kấp càr mut tàm văn phòng Tỉnh ủy la broa\ lơh kuơ màng ngan, nhap nhar ngan mờ kràn ngan, tàm ala\ ngai do, mpồl bal cau  kuang, cau geh Đảng  bơh Ban tuyên giáo Tỉnh ủy Lâm Đồng neh lơh ngan lơh kràn, bơyai lơh lơh wơl  gơnoar đơng lam broa\  jat gùng tam gơl pa mờ ìol niam. Lài do,  mpồl do geh  6 phòng, di mìng gam 3 phòng, mơ kung mìng lời wơl broa\ lơh dong broa\ tus mpồl đơng lam ban,  ờgam rơndap ala\  trưởng phó phòng bè lài tai.

Ồng Trần  Văn Hiệp, Trưởng Ban tuyên giáo Tỉnh ủy Lâm Đồng ai git, broa\ tam gơl, rơndap wơl gơnoar broa\ bơh mpồl bulah bơh sơnrờp gơbàn kal ke, kòl yan tàm broa\ lơh mờ  sơnơng bơh  dùl bơnah dềt kuang bàng cau geh đảng, mơya  bơh geh mblàng pơlam, lam sồr neh lơh geh bơta ring bal mờ ring bal jơnhua ngan, tơl broa\ lơh drờm geh bơyai lơh bươn bòai mờ di pal, ờ geh bơta gơlơh tung lơtang:

Kờp tus ngai 1/6 den Ban tuyên giáo bol a` gam jơh mìng gam  wơl 3 phòng mìng geh  chuyên viên dong broa\ tơn, ờ gam trưởng phó phòng. Broa\ do neh bơh sơnrờp gơ lơh aniai tus bơta nùs nhơm, sơnơng broa\ bơh oh mi, mơya tus tu\ do mờ broa\ lơh  sơnơng, mờ broa\ lơh lam sồr,  đơs ngan, go\ geh bơta kuơ gơ dê jơh  tơl na\ cau neh kờ` bal gơlơh bè 100%. Dùl broa\ tai mờ bol a` go\  niam ngan la, bơh jo\ do ua\ gơnoar broa\ bơh tềng ala\ phòng,  ala\ gah den tu\ do ming gam wơl 5 bơnga\ broa\ lơh, hơ\ la atbồ ban, phó ban mờ 3 phòng la tuyên huấn, khoa giáo mờ hành chính tổng hợp den broa\ lơh gơ niam sùm, bươn bòai, ờ geh bơta gơ tam ba\ bal, tam ja\ bal bè lài do.

Jat đề án, kờp bơh ngai 1/6/2018, văn phòng jơh ala\ ban bơt bơtàu đảng Tỉnh ủy Lâm Đồng bè Ban Tổ chức, Dân vận, Tuyên giáo, Nội chính, Ủy ban kiểm tra… drờm  neh tơmut bal tàm Văn phòng Tỉnh ủy.

Ồng Trần Đình Văn, Chánh Van phòng Tỉnh ủy Lâm Đồng cho biết, đề án do ờ mìng lơh tơmù broa\ bè kế tóan, văn thư-lưu trữ, thủ quỹ bơh ala\ ban Đảng, mờ tàm Văn phòng Tỉnh ủy kung neh gơmù geh 3 phòng mờ 13 trưởng, phó phòng, mờ kờp jơh biên chế, hợp đồng cau lơh broa\ tơnơ\ geh tơmut bal la 58 na\ cau. Mìng is bè mpồl Đảng, dilah lài do, Đảng bộ Văn phòng geh 7 chi bộ mờ 57  na\ cau đảng, den tu\ do geh rơndap wơl gam 4 chi bộ. Bơh broa\ tơmù bal geh ai bơh bơta dùl anih lơh broa\ mut lơh ua\ ngan gơnoar broa\, dùl na\ gơtùi lơh ua\ ngan broa\ lơh, mờ dùl broa\ mìng  jàu dùl na\ cau hala dùl bơnah cau đơng lam kong kơnòl tờm den tàng Văn phòng Tỉnh ủy neh gàr niam tơl niam, òil mờ geh cồng nha rlau, geh lơh niam wơl bơta dờng ir, rơndap rơndồl bal mờ geh ua\ bơta lơh broa\ tàm bơsong broa\ bè lài do:

Broa\ mut lơh do geh ua\ bơta ai go\ broa\ lơh di pal bơh Đảng la  bol he geh lơh ìol geh gơnoar broa\ đơng lam. Pơnyơu bè văn phòng Tỉnh ủy, lài do geh 6 phòng lơh broa\ den tu\ do mìng gam 2 phòng mờ 1 khối. Tàm hơ\,  ala\ broa\ lơh lài do bè công nghê cơ yếu,  công nghệ thông tin, lưu trữ sra\ nggal… tu\ do 3 phòng geh tơmut bal gơs dùl den ala\ broa\ lơh  hơ\ geh dong kờl bal, gơ geh drơng niam, bal jơh ala\ gah mờ ờ lơh aniai tus broa\ lơh bơh ala\ ban Đảng. Jat a`, bơh hơ\ geh lơh cau kuang bàng lơh broa\ geh gơnoar jơnhua rlau nùs nhơm kơnòl mờ ai git geh bơnga\ broa\ lơh,  den tàng ngan do kung la la bơta  tờm nàng  cau kuang  bàng mut lơh niam rlau broa\ geh jàu.

Jat ồng Nguyễn Xuân Tiến, Ủy viên Trung ương Đảng, Bí thư Tỉnh ủy Lâm Đồng, broa\ rwah Văn phòng Tỉnh ủy lơh  mpồl lơh lài nàng mut lơh Nghị quyết dà  lơgar (bè rơndap tap sèng mpồl đơng lam gơnoar broa\ bơh ròt chính trị, ai go\ bơta lơh lài, lam bồ bơh cấp ủy). Bơh cồng nha mut lơh lài tàm Văn phòng Tỉnh ủy, ala\ anih lơh broa\, mpồl dà lơgar, ala\ gah mpồl bơtìan mờ ala\ [òn lơgar tàm càr geh jơnau bơsram  mờng ngan,  bơh hơ\ geh mhar lơh geh mờ mut lơh geh cồng nha broa\ lơh do. Mờ  bơta lơh ngan chính trị bơh gùt đảng bộ mờ ala\ anih lơh broa\, mpồl tàm càr, gàr niam broa\ lơh tơmù biên chế bơh Lâm Đồng  dê tus nam 2021 geh jơnhua rlau 10% pơndrờm mờ broa\ jàu mờ nghị quyết ai tơlik:

Tàm broa\ lơh, broa\ rơndap jàu mut lơh jat Nghị quyết bơh dơ\ pơrjum dơ\ 6 bơh Ban chấp hành Đảng dà lơgar den geh ai go\ loh ngan bè tơnggu me, bè bơta kờ` rơndap tap sèng wơl gơnoar  broa\ bơh tơl gah, tơl anih lơh broa\, tơl mpồl mờ tơl [òn  lơgar. Càr  mut lơh broa\ lơh do den  bơta  di gơlan tơmù biên chế geh rlau 10% pơndrờm mờ geh cih bal tus nam 2021. Gơtùi đơs,  bơta do geh ai  go\ lơh ngan jơnhua ngan  ờ mìng bơh Ban thường vụ, bơh Ban chấp hành đảng bộ càr mờ gam bơh ala\ anih lơh broa\, ala\ mpồl bơh  broa\ git wa\ kơnòl niam tàm mut lơh  Nghị quyết dà lơgar 6.

                                    Cau mblàng K’ Brọp