VOV4.K’ho – Kờ` rơcang lài ai broă sền sơwì rơndap lơh adat Ơruh pơnu (tam gơl), drim òr (28/3), mpồl sền sơwì bơh Ủy ban Niam chài, bơto bơsram, ơruh pơnu, kơnòm pa tàu mờ kơnòm dềt bơh Quốc hội dê neh geh dơ\ lơh broă mờ UBND càr Lâm Đồng bè broă lam lơh Adat Ơuh pơnu.

                                 Ủy ban Quốc hội lơh broă mờ càr Lâm Đồng

Càr Lâm Đồng tu\ do geh rlau 260 rbô nă ơruh pơnu, geh 1/5 khà kờp làng bol. Tàm ală nam do, càr neh đơng lam ală anih lơh broă mblàng yal, bơto bơtê uă mờ lơh jat Adat Ơruh pơnu.

Gùt càr neh ai geh broă lơh jơh ală ơruh pơnu in; pơlam, ai rlau 5 rbô nă ơruh pơnu lòt lơh broă geh tơngai pơrgon hờ lơgar ndai, pơgồp bơnah uă ngan tàm jơnau kờ` ai geh broă lơh mờ tơrmù r[ah kơ\ kơljap.

Bu\ lah bè hơ\, tu\ do tàm Lâm Đồng, bơta mpồl ơruh pơnu lik bơh [òn tờm lòt lơh sa ngài ngai sơlơ uă. Uă Đoàn tàm kấp hơ đơm ờ hềt geh tơl bơta pràn gơ hòi gơ jà den tàng broă tus bal pơrjum bơh đoàn viên, ơruh pơnu dê ờ hềt uă. Bal mờ hơ\, kung gam ờ uă ơruh pơnu kis ờ hềt geh jơnau kơp kờ`, ờ geh jơnau git wă lơh jat adat boh lam, lơh tìs tàm mpồl bơtiàn.