VOV4.K’ho- Drim ngai 07/7, mờr 14 rbô nă kơnòm pơrlòng bơh càr Lâm Đồng dê neh lơh gơs môn pơrlòng sơn rờp bơh dơ̆ pơrlòng jơh bơsram kấp 3 dê. Cồng nha, môn pơrlòng sơn rờp tàm Lâm Đồng geh lơh ờdo ờdă, song dơpă mờ di quy chế, ờ geh cau lơi lơh tìs quy chế pơrlòng mờ ờ geh broă nisơna lơi gơlik geh.

Nàng gàr dơ̆ pơrlòng geh lơh ờdo ờdă, bơdìh mờ broă lơh sền gàr lơngap lơngai, ring lơngai, ờdo ờdă gùng lòt, Lâm Đồng gam sền gròi uă ngan tus broă sơlơ tơnguh ală broă lơh rơcang sơndră kòp Covid-19. Jơh 39 anih pơrlòng tàm càr ndrờm geh lơh kloh khuẩn, rơcang dà sàng, sơ ƀong, dà lơh kloh khuẩn, chèu glòm muh mat mờ was khà duh să jan nàng drơng kơnòm pơrlòng mờ cau sền pơrlòng in. Bal mờ hơ̆, broă lơh dong kờl nhai pơrlòng kung geh mpồl đoàn viên ơruh pơnu tàm càr sơlơ lam lơh.

Cau mblàng K’Duẩn