VOV4.K’ho- Ngai òr 9/5, Mpồl Kuang bàng Quốc hội càr Lâm Đồng neh geh dơ\ tìp mat mờ cau te\ khà thị trấn Dà Mbri, kơnhoàl Dà Oai mờ xã Lộc Phú, kơnhoàl Bảo Lâm. Tơnơ\ mờ tu\ iat kuang bàng ala mat Mpồl kuang bàng Quốc hội càr Lâm Đồng yal tơngume pơrjum dơ\ 7, Quốc hội khoá 14, cau te\ khà thị trấn Dà Mbri neh đơs mờ Mpồl Kuang bàng Quốc hội bàr pe jơnau đơs gơrềng tus khà priă đèng, khà priă dà gơguh uă gơrềng uă ngan tus rài kis làng bol dê, tơngai pơrgon lơh gùng rơndeh ntoăt răt Dầu Giây- Liang Khàng mờ tơngai pơrgon lơh rơndăp broă lơh bơcri priă lơh drà Dà Mbri lơyaì…

Cau te\ khà xã Lộc Phú sền gròi tus ală broă bè ù lơh sa mờ ai broă lơh broă sa ai hìu bơnhă r[ah, hìu mờr bè hìu r[ah in; càn priă jo\ tơngai ai làng bol kòn cau in mờ priă cồng dùl êt nàng bơtàu tơnguh lơh sa…Kuang atbồ Mpồl kuang bàng Quốc hội càr Lâm Đồng neh hơ tơn tàm pơrjum bàr pe tơngume gơ ơm tàm gơnoar broă bơh [òn lơgar dê bơsong mờ ală jơnau đơs tă pơgồp ndai geh mpồl kuang bàng tơrgùm jơh mờ yal mờ Quốc hội in tàm dơ\ pơrjum mờr tus.

Cau mblàng Lơ Mu K’Yến