VOV4.K’ho - Tài khà priă ù lơh sa suơn sre tàm tơngai pa do gơguh uă, broă mus brê, sơgràm ù brê tàm 2 xã Tà Hine mờ Dà Loan kơnhoàl Đức Trọng, càr Lâm Đồng geh uă. Tàm tu\ hơ\, mpồl tòm brê bal mờ mpồl sền gàr brê xã lơh bè ờ go\ mờ ờ geh kơnòl lơh uă lồ brê gơs ù gời mờ suơn tam kơphe.

Ngài mờ tiah tàm gùl xã Tà Hine, kơnhoàl Đức Trọng ờ tơl 1 kơi sồ, bă brê nho 2 gah gùng tàm xã gơwèt tiah 364 neh gơbàn cau kơl, chu mờ tờ bơtô, mờ bă ù brê gơbàn mus kơl aniai rơlao 2 lồ. Tơl lồ mìng geh tam kơphe là gơtùi tăc tus 1 tơmàn priă.

Bơta kờ` đơs ngan, broă mus kơl chi brê, sơgràm ù brê neh geh lơh loh làng tàm tơngai jo\, làng bol kis tàm do cau lơi kung g^t, kuang bàng lơh broă sền gàr brê tàm xã bal mờ mpồl cau tòm brê là mpồl atbồ brê rơcang gàr lài Ninh Gia, kơnhoàl Đức Trọng mìng geh lơh sră dờp bă brê gơbàn mus kơl aniai. 

Jăt ồng Ya Gương, kuang atbồ kuang àng xã, Phó kuang atbồ mpồl sền gàr brê xã Tà Hine yal, tài broă mus kơl chi brê gơbàn lơh kơ`ao ờm den tàng kal ke ngan kờ` ku\p geh, kờ` g^t cau tìs:

-Bè ờs cau mus tàm trồ mang, tài trồ ngai oh mi lơh broă tàm do lòt sền gròi sùm. Tài ờ ku\p geh den tàng mìng geh lơh sră yal, ờ g^t cau lơi neh mus. Broă mus chi brê là neh geh lơh bơh lài mờ hơ\, mờ pa do là tờ bơtô. Ală cau mìng kơ`ao tờ pah mang rơlao 10 bơtô, tu\ do neh tờ rơlao rơbô bơtô mơya ndrờm geh lơh tàm trồ mang. Tàm do rềp mờ gùng lòt, rềp mờ hìu lơh broă xã, mơya he mìng lơh broă pơgồp bal den tàng ờ g^t loh, lơh broă tơn pal là mpồl sền gàr brê.

Bơdìh mờ broă ù brê neh mus jơh, tờ bơtô, tơrdao mờ lơh kloh niam bè ù suơn, uă bă ù brê ndai tàm tiah 364 bơh brê rơcang gàr lài Ninh Gia, gơwèt xã Tà Hine, kơnhoàl Đức Trọng kung gam tàm bơta gơbàn mus kơl jơh sơl, uă tòm chi brê gơbàn òt neh gơpừ gam gơlời.

Jăt ồng Nguyễn Văn Hạnh, kuang bàng lơh broă sền gàr brê tàm xã do yal, mpồl sền gàr brê kơnhoàl Đức Trọng, tài khà priă ù gơguh uă, broă kờ` lơh sa suơn sre sơlơ ngai sơlơ geh uă, geh ờ uă cau neh ơpah làng bol kòn cau kis tàm do mus brê kờ` sơgràm ù brê, tơnơ\ mờ hơ\ tăc mờ cau ndai kờ` geh priă să tòm.

Mơya, broă jòi kờ` g^t cau tòm neh dong kờl ală dơ\ mus brê do gơbàn kal ke ngan, tàm tu\ mpồl cau tòm brê ờ sền gròi mờ ờ tơl kơnòl. Broă mus brê sơgràm ù brê tàm tiah do sơlơ ngai sơlơ uă:

-Đơs ngan là geh uă broă ngan. Geh uă là tu\ do ală cau pas geh uă priă neh ơpah làng bol mus, hơ\ sồng ntào sền gròi kuang bàng lơh broă sền gàr brê tơm trồ mang. Bol a` tu\ do lơh broă ờ yal mờ xã tai, tài bè hơ\ gơbàn cau g^t, geh tu\ là kuang bàng lơh broă tàm tiah brê do bol a` kung ờ dờn tai, đơs ngan mờ oh là đơs bè hơ\.

Tiah do tu\ do kal ke ngan, huyện uỷ geh sră nggal đơng lam uă mờ kung gam ờ hềt ku\p geh cau tìs. Tu\ do di lah ală cau do tam den he dus, mìng geh broă lơh bè hơ\ mơ.

Kung ndrờm bè tàm xã Tà Hine, ală tiah brê ndai bơh brê rơcang gàr Ninh Gia gơwèt ală xã rềp mờ xã Dà Loan, Ninh Loan, Dà Quyn, Tà Năng kung gơbàn ndrờm bal sơl. Tàm hơ\ geh uă bă ù neh gơbàn mus kơl jơh mờ neh geh tam mờ ală bơta tòm chi jo\ ngai.

Di lah ală kal ke tàm broă atbồ sền gàr brê tàm do ờ gờ` geh lơh niam wơl, di gơlan geh tai uă bă brê ndai gơbàn gơs tiah dòr mờ tơnơ\ mờ hơ\ mhar gơs suơn tam phan.

Cau mblàng Ndong Brawl