VOV4.K’ho- Mho ngai 08/9, Ủy ban Nhân dân càr Lâm Đồng neh geh sră nggal bè broă ai gơnoar bàr pe broă lơh, drơng broă ala gơ jăt bal mờ broă lơh rơcăng sơndră kòp Covid-19 tàm bơta bè ờs pa. Tŭ do, càr Lâm Đồng sền bal neh gròi sền geh kòp bơtờp, pơhìn kòp bơtờp tàm càr là bơh ală cau măy rơndeh, cau lòt jăt jơng rơndeh jun pơndiang phan bơna mờ làng bol bơh càr dê rê wơl bơh ală tiah geh kòp.

Gơwèt mờ ală tiah kòp pa gŏ tŭ do neh gròi sền niam. Nàng sền gàr lơh jăt geh cồng nha “jơnau kờñ dơ̆ lĕ bal” rơcăng sơndră kòp mờ bơtàu tơnguh lơh sa- mpồl bơtiàn, ai tơl bơta ai mpồl lơh sa kă bro mờ làng bol in tơrmù ƀà kal ke, Ủy ban Nhân dân càr Lâm Đồng sồr ală sở, gah sơnah lơh broă, mpồl cau mờ Ủy ban Nhân dân ală kơnhoàl, ƀòn dờng tàm càr ai gơnoar lơh broă wơl bàr pe drơng broă ala kờp bơh tŭ 5 jiơ mho ngai 08/9; ơm ing lơh jăt ală anih gròi sền rơcăng sơndră kòp Covid-19 tàm ù tiah tàm dơlam càr dê. Mìng is ală anih gròi sền tàm ală gùng lik mut tàm càr kung gam pơn jăt lơh broă sùm.

Cau mblàng Lơ Mu K’Yến