VOV4.K’ho-Rbàng lòs tơ [ă gan dà dờng Dà Nhim tàm tơrbo\ bal đah 2 thôn Phú Lộc mờ Preh, xã Phú Hội, kơnhoàl Đức Trọng, càr Lâm Đồng dê là rbàng lòt rê làng bol in kuơmàng ngan ngui tàm broă lòt rê bơh gi\t nđờ rbô nă công nhân Tiah lơh sa mờ măy mok Phú Hội mờ 5 rbô nă làng bol bơh 4 thôn tàm tiah đah jum xã Phú Hội dê. Tu\ do, rbàng do gam ờ kơl jăp ngan neh lơh tus rơndeh rơndồ bal mờ làng bol lòt rê kơlôi rcăng ngan tài bơh jơnau pơhìn gơlik geh rềs àr.    

Rbàng lòs ngui tàm rài kis làng bol dê tàm xã Phú Hội geh lơh gơs mờ ai ngui bơh nam 1986. Do là rbàng dùl lơm drơng broă lòt rê, pơndiang phan lơh geh bơh sươn sre bơh làng bol 4 thôn: Preh, K’Nai, Lạc Lâm mờ Lạc Nghiệp bơh xã Phú Hội dê tus mờ tiah tờm xã.

                                                Nrèng rbàng neh gơtìp pă jơh

Bơh tu\ Tiah lơh sa mờ măy mok Phú Hội geh ai lơh broă, pah ngai geh gi\t nđờ rhiang nơm rơndeh dờng, rơndeh dềt, rơndeh container pơndiang phan lòt rê lơh rbàng do gơtìp ờ kơ\ kơl jăp sơrbac mhar ngan. Bơh bồ rbàng tơn, nrèng rbàng lơh mờ lòs neh gơtìp pă gơdùh, tàm bàr pe tiah bơnàng rbàng gơtìp bluh trồm, pang lòs gơtìp kue\t jơh, tiah bơsir gơtìp pă jơh, gơ tă bu lông. Oh Lê Cao Sơn, bơsram ơdu\ 8, Hìu bơsram kấp bàr Phú Hội pà gi\t, pah dơ\ lòt gan rbàng lòt bơsram, ală oh rơngòt ngan.

{ùi drim kòn pal kơ\p gơn rơndeh lòt jơh den hơ\ sồng lòt gan rbàng. Geh anih lòs gơtìp gơdùh, gơ plok jơh, lòt gơlơh rơngòt ngan, mprơm nùs ngan. Kàl mìu den ntiar, gùng kal ke ngan lòt, hơ\ sồng dà bơh hơđơm gơhòr jơnhha` ngan gơlơh rơngòt ngan.

Ồng Ngô Văn Ký, Kuang atbồ thôn Phú Lộc, xã Phú Hội geh hìu ơm tơn bồ gùng mu\t tàm rbàng lòs đơs ngan bè do, bulah neh ờ gam kơ\ kơl jăp tai bơh uă nam do mơya ờ huan ngan sền go\ rbàng geh lơh niam wơl.

                          Gi\t nđờ rhiang nơm rơndeh lòt rê pah ngai tàm rbàng lòs Phú Hội

Tài bơh rbàng ờ gam niam tai, rơndeh dờng, rơndeh măy uă tai den tàng gơlik geh jơnau rềs àr sùm, bơh kòn dềt lòt bơsram tus dì cau dờng lòt lơh broă.

Bơh tu\ tiah lơh sa mờ măy mok geh lơh gơs, den rơndeh rơndồ lòt rê gan rbàng do là uă ngan, rơndeh container lòt gan uă ngan mơya tu\ do, rbàng ờ gam niam tai mơya ờ hềt geh lơh niam wơl. Bơnàng gùng rơndeh lòt lơh mờ lòs ngan den tàng bè hơ\ tu\ ală rơndeh pơndiang sồ siă, hơ\ sồng ală rơndeh lơi mờ lòt gan tuh dà [ơ\ den ală oh dềt lòt gan ndrờm gơtìp ntiar jơng lơm mờ gơ pừ tơn, geh tu\ geh oh gơ pừ pă tơn jơng, tê tus tu\ do kung gam ờ hềt gơtùi lòt sơl.

Rbàng lơh mờ lòs tàm xã Phú Hội là dùl nơm rbàng lơm geh lơh nàng lòt tus Tiah lơh sa mờ măy mok Phú Hội mờ drơng broă pơndiang phan kă bro bơh ală mpồl lơh sa kă bro dê kung bè broă lòt rê, lơh sa bơh rlau 5 rbô nă làng bol bơh ală thôn ơm tàm tiah đah jum dà dờng Dà Nhim dê.

                                         Dùl nrang lòs tàm gùl rbàng neh gơdùh

Jat ồng Đào Xuân Tiến, Chủ tịch UBND xã Phú Hội đơs, tơnơ\ tu\ kơno jơnau yal bơh làng bol dê, anih lơh broă geh gơnoar bơh kơnhoàl Đức Trọng mờ Mpồl atbồ Tiah lơh sa mờ măy mok Phú Hội neh tus sền mờ lơh niam wơl. Mơya, mìng kơl jăp di dùl tu\ tơngai lơyah lơm den rbàng gơtìp ờ niam wơl tai.

Dan mờ ală kấp, ală sở, kấp kơnhoàl pơn jat tai lơh niam wơl rbàng do, drơng tàm broă lòt rê, lơh sa bơh làng bol dê. Tài bơh broă lơh sa bè tam kơphê, tàm 3 thôn: K’Nai, Lạc Lâm mờ Lạc Nghiệp dê là uă ngan, jơnau kờ` rơndeh pơndiang phan lòt rê pah ngai, phơng sih là uă ngan.

Cau mblàng Lơ Mu K’Yến