VOV4.K’ho- Ủy ban Nhân dân càr Lâm Đồng neh geh sră nggal sồr Sở Tài nguyên mờ Môi trường, Ủy ban Nhân dân ală kơnhoàl, ƀòn dờng ơm ing lơh sră nggal cah bă ù tiah tàm càr. Mùl màl bè do, Ủy ban Nhân dân càr Lâm Đồng sồr Sở Tài nguyên mờ Môi trường, Ủy ban Nhân dân ală kơnhoàl, ƀòn dờng ơm ing lơh sră nggal cah bă ù tiah tàm càr tus tŭ geh jơnau đơs sồr lơh pơn jăt tai bơh Ủy ban Nhân dân càr dê (ờ kờp jơnau sră nggal cah bă ù tài bơh pà, ai tàm hìu bơnhă).

Lơh jăt jơnau sồr bơh Ủy ban Nhân dân càr dê, Sở Tài nguyên mờ Môi trường càr Lâm Đồng kung geh sră sồr Cơldŭ lơh broă lơh sră cih măt ù tiah kờp sền wơl jơh ală sră nggal cah bă ù tiah neh dờp mờ gam ờ hềt lơh tài gơkòl bè jơnau sồr lơh gơs gùng lòt. Mơkung sền swì sră nggal, sac rwah loh làng; Ơm ing dờp ală sră nggal cah bă ù tiah pa geh tus dì tŭ geh kơrnoat tam gơl bơh Ủy ban Nhân dân càr dê mờ jơnau đơs sồr lơh bơh Ủy ban Nhân dân càr dê. Ală kơnòl broă do pal lơh jăt tơn mờ yal mờ Kuang ătbồ Sở Tài nguyên mờ Môi trường càr dê in lài mờ ngai 10/6/2021.

Cau mblàng Lơ Mu K’Yến