VOV4.K’ho- Ủy ban Nhân dân càr Lâm Đồng bơyai lơh Pơrjum pờ tơn tàm internet sền wơl broă lơh gàr niam ờdo ờdă gùng lòt 3 nhai bồ nam 2018 mờ yal broă rơndăp lơh ală nhai gam wơl.

Pe nhai bồ nam 2018, bơta ờdo ờdă gùng lòt bơh càr dê kơ\ kơl jăp, rềs àr gùng lòt gơmù jơh bal tàm pe bơta: khà dơ\, khà cau chơ\t mờ khà cau gơtìp sồt să. Jơh gùt càr gơtìp 50 dơ\ rềs àr gùng lòt, lơh 33 nă cau chơ\t, gơtìp sồt să 33 nă, gơmù pơndrờm bal dùl tu\ mờ nam 2017.

Kuang đơng lam bồ càr Lâm Đồng sồr, tơngai tus ală gah lơh broă geh gơnoar sơlơ bơcri ai tai priă jền bơ\t bơtàu phan bơna ờdo ờdă gùng lòt, tơrgùm bơsong ală broă lơh tìs bè pơndiang kơ` jơ\, hat hal ir, lơh tìs bè kềng gùng ờdo ờdă lòt rê. Ală rơndeh pơndiang năc pơn jat tai geh lơh uă kờ` drơng niam ngan rlau jơh làng bol in.

Kuơmàng, jơh gùt mpồl bơtiàn sền dờng màng mblàng yal bè ờdo ờdă lòt rê tàm gùng, ngan là cau là kơnòm bơsram, cau bơsram dờng jat di tơngume “Ờdo ờdă gùng lòt ai kơnòm dềt in”, lơh jơh ală broă lơh dong tơrmù khà chơ\t jê gơ wèt tus mờ kơnòm dềt mờ jơh gùt mpồl bơtiàn.

Cau mblàng mờ yal tơngi\t- Lơ Mu K’Yến