VOV4.K’ho- Lơh jăt Rơndăp broă lơh tam dùl tơmàn tờm chi tơngai bơh nam 2021- 2025 neh geh Thủ tướng Cính phủ dê kĭ, càr Lâm Đồng geh broă rơndăp lơh mờ gam lam tam 50 tơlak tờm chi tàm càr. Càr Lâm Đồng tŭ do geh mờr 454 rbô 900 lồ brê geh is mờ 83 rbô 850 lồ brê tam, lơh geh khà chi che bơh brê dê geh 55%, gơmù 7% pơndrờm mờ 10 nam lài.

Sươn ờng bơh Mpồl ătbồ brê Lâm Viên dê lơh gơlik sơntìl chi brê nàng tam tàm ală xã, sơnah ƀòn tàm ù tiah ƀòn dờng Dà Làc, càr Lâm Đồng dê

Nàng tơnguh khà chi che bơh brê dê, gơdờp mờ tam gơl trồ tiah mờ gàr niam tiah ơm kis ƀòn brê bơnơm, tàm nam 2021, càr Lâm Đồng pơn jăt tai tam 490 lồ brê tàm bă ù lời gời mờ ù tơnơ̆ tŭ sờr ntrờn ai wơl tài bơh sơgràm tìs mờ kơrnoăt boh lam. Bal mờ hơ̆, càr Lâm Đồng kung lơh pràn broă lam tam 50 tơlak tờm chi jăt Rơndăp broă lơh tam dùl tơmàn tờm chi tơngai bơh nam 2021- 2025 neh geh Thủ tướng Cính phủ dê kĭ. Kờp tus tơngai do, neh geh 4 tơlak 840 rbô tờm chi ală bơta neh geh ală anih lơh broă geh gơnoar dê tam tàm ală kơnhoàl mờ ƀòn dờng tàm càr.

Cau mblàng Lơ Mu K’Yến