VOV4.K’ho-Kòp Covid-19 neh lơh rài kis bơh uă ngan cau lơh broă gơtìp gơ rềng. Tàm Lâm Đồng, g^t nđờ rơhiang mpồl lơh sa kă bro ơm ing lơh broă sa lơh uă công nhân pal ơm rlô, ơm rlô ờ geh priă nhai halà ơm rlô lơh broă ing. Dùl nùs bal mờ ală bơta kal ke mờ cau lơh broă tàm uă mpồl cau, cau dùl nă să is neh lơh ngan tă pơgồp, dong kờl hìu ơm ơpah, ală bơnah phan pà dong kờl khi in sơr lèt gan kal ke tàm tơngai kòp.

Bơh ngai kòp Covid-19 bơtờp uă, bi Nguyễn Thị Thủy, ơm tàm sơnah [òn 6, [òn dờng Dà Làc- công nhân Kông ty pơs wàs Hìu sang goh pal ơm rlô ờ geh priă nhai. Priă lơh geh tơl nhai 6 tơlak ờ go\ gam tai, ală priă jền ngui sa tàm hìu bơnhă bi dê tu\ do pal kơnờm tàm khà priă lơh phụ hồ dùl ết bơh bơ klau dê lơm. Tàm tu\ kal ke bè hơ\, geh ală mpồl bơtìan pà phan, bi Thuỷ kung gơ lơh ram mhu\ tàm nùs nhơm sơl.

Hìu bơnhă a` dờp geh bơnah phan bè do là ưn ngài ngan ală kấp neh dong kờl, dong hìu bơnhă tơr mù [à bơta kal ke tàm tơngai kòp Covid-19 do.

Tàm tu\ hơ\, bi Nguyễn Thị Ngọc Thảo – công nhân tàm Hợp tác xã SUNFOOD Dà Làc bơtoah rlau mờ ală cau ndai tu\ broă lơh kung gam gàr niam bè ờs sơl. Bi Thảo yal, nam 2019 bơklau bi dê ờ toah chơ\t tài rềs àr gùng lòt, lời wơl bi in dùl nă kòn dềt mìng rơ\p 3 nam lơm. Dùl nă să ròng kòn mờ lòt lơh broă bòl glar ngan. Cau lơi kung g^t rài kis hìu bơnhă bi Thảo dê tu\ mut tàm Hợp tác xã lơh broă, mờ cau lơi kung sơrmah sơr mài dong kờl.

Đah kông ty sùm niam mờ công nhân, oh gơ lơh chờ hờp ngan. Tàm tơngai kòp bè do den tơl broă lơh bơh công nhân dê ndrờm geh gàr niam, priă nhai kung gam bè ờs sơl. Bơdìh hơ\, kông ty gam dong kờl tai priă bảo hiểm xã hội, sùm pơn đờm pơn điang mờ sền gròi lùp còp.

Cau lơh broă tàm Lâm Đồng geh sền gàr rcang sơn dră kòp 

Ồng Phạm Ngọc Thạnh, Chủ tịch hội đồng quản trị Hợp tác xã SUNFOOD Dà Làc pà g^t: Hợp tác xã tu\ do gam dong kờl lơh broă bè ờs ai 15 nă công nhân mờ anih lơh broă tăc phan bơna lơh sa suơn sre kloh bơkah ai 79 hìu bơnhă lơh sa in. Tu\ kòp Covid-19 gơlik geh, uă mpồl lơh sa kă bro pal ơm ing lơh broă, công nhân ơm rlô lơh broă mờ tơr mù khà priă, mơya gơ wèt mờ Hợp tác xã SUNFOOD Dà Làc kung gam sơl gàr niam broă lơh jat jơnau sồr ơm yah tam cah is rcang sơn dră kòp, khà phan bơna tăc kung gam gơguh rlau 20%.

Gơ wèt mờ SUNFOOD bol a` neh geh gùng dà broă lơh bè khà priă nhai mờ priă jền ai cau lơh broă in loh làng. Ngan ngồn gơ wèt mờ priă nhai bol a` dê tam pà  dơ\ 1 là priă nhai sơn rờp, dơ\ 2 là priă phụ kấp, dơ\ 3 là broă sa nggùl ngai mờ dơ\ 4 là ai cau lơh broă in ơm wơl tàm anih prap phan in nàng khi in tơr mù [à priă jền ơpah hìu ơm pah nhai. Bơdìh hơ\ tai, gơ wèt mờ kơnòl broă mpồl bơtìan bol a` neh pơgồp bal mờ Anih pờ tơlik jơnau đơs mờ sơnio rùp Lâm Đồng, at tê bal mờ Mpồl tam klăc Hợp tác xã càr dê pơyoa uă bơnah phan dong kờl làng bol gơbàn kal ke in.

Jat tơr gùm kờp bơh Liên đoàn Lao động càr Lâm Đồng dê yal, tàm tơngai kòp Covid-19, gùt càr geh 260 mpồl lơh sa kă bro ơm ing lơh broă, ờ lơh uă broă lơh sa mờ rlau 5 rơbô nă cau lơh broă ờ geh broă lơh, ờ tơl broă lơh mờ rlau 2 rơbô nă công nhân ơm rlô ờ geh priă nhai.

Ồng Phạm Văn Được, Phó Chủ tịch Liên đoàn Lao động càr Lâm Đồng dê pà g^t: bal mờ broă hòi jà ală cau tờm hìu ơpah tơr mù [à priă ơpah hìu ơm ai ală công nhân in, Liên đoàn Lao động ală kấp neh lơh sră cih mat cau lơh broă gơtìp gơ rềng nàng geh ală bơta dong kờl di tu\.

 Bơdìh ală cau geh UBND càr mờ Tổng Liên đoàn Lao động dong kờl jat broă rơndap lơh bal. Liên đoàn Lao động càr geh broă rơndap lơh dong kờl tơl nă cau in ngan ngồn jat khà bơh 500 rơbô đong tus 1 tơlak đong dùl nhai tàm tơngai ờ geh broă lơh bơh nhai 2 tus nhai 4.

Bơta tàm pà bal, pơn đờm pơn điang bal bơh mpồl bơtìan mờ mpồl Công đoàn ală kấp càr Lâm Đồng neh pơgồp bơnah pơn jờng, ai bơta kơ\p gơn ală cau lơh broă gơtìp kal ke tàm tơngai kòp dờng Covid-19 in. Bơta hơ\, tơngo\ nùs nhơm tàm klăc bal mpồl bơtìan, kơnòl broă bơh mpồl Công đoàn dê, sùm sền gàr gơnoar kuơ, bơta kuơ di pal ai cau lơh broă in.

Cau cih Tuấn Anh- Cau mblàng K’ Hạnh