VOV4.K’ho – Drim òr, 27/10, kơnhoàl Lâm Hà, càr Lâm Đồng neh yu\ rơyùm bơyai lơh tơngkah 30 nam ngai crơng gơs kơnhoàl (28/10/1987 – 28/10/2017). Kơnhoàl Lâm Hà geh crơng gơs bơh tiah lơh sa pa cau Hà Nội dê mờ dùl bơnah [òn làng bol ơm kis di kơnhoàl Đức Trọng, càr Lâm Đồng. Bơh 30 nam crơng gơs mờ bơtàu tơnguh, kơnhoàl Lâm Hà neh geh bơta bơtàu tơnguh pràn ngan, gơ gơs là dùl tàm ală tiah lơh sa kuơ màng càr dê.

Kơnhoàl neh bơt bơtàu geh tiah lơh sa suơn sre ờs mờng, mờ rlau 40 rbô lồ kơphe, mờr 2 rbô lồ dâu mờ rlau 300 lồ ce, 220 lồ biap – bơkàu tam jat broă lơh ngui công nghệ cao. Kơnhoàl geh 32 tàm 85 hìu bơsram tơl khà dà lơgar, jơh ală 16 xã, thị trấn tơl khà dà lơgar bè lơh sơ nơm, mờ geh 5 xã tơl khà [òn lơgar pa. Priă lơh geh tàm dùl nă cau geh 47 tơlak tàm 1 nam, hìu nhă r[ah gơmù gam 5%. Tơngai lài, [òn dờng Hà Nội neh dong kờl, bơcri priă kơnhoàl Lâm Hà in lơh rlau 30 broă lơh, rơndap broă; blơi uă phan bơna, mai\ mok mờ priă bơcri git nđờ rhiang tơmàn priă. Tơ nơ\ mờ dơ\ bơyai lơh tơngkah, kuang đơng lam bồ càr Lâm Đồng mờ [òn dờng Hà Nội neh tus bal dơ\ mut lơh gùng lòt 2 xã Tân Văn mờ Phúc Thọ, kơnhoàl Lâm Hà. Broă lơh geh priă bơcri 20 tơmàn priă bơh [òn dờng Hà Nội dong kờl.