VOV4.K’ho – Tu\ do tàm càr Lâm Đồng geh 125 mpồl lơh bal tàm broă lơh sa suơn sre, mờ bơta tus bal bơh 80 mpồl lơh sa kă bro, 80 hợp tác xã mờ 13 rbô hìu bơnhă cau lơh broă sa. Phan bơna tơ nơ\ tu\ tơnhàu geh tac jat sră pơrgon neh tơnguh cồng nha lơh geh bơh 20 tus 25%. Càr Lâm Đồng lơh ngan bơh tu\ do tus nam 2030 pơn jat tai bơtàu tơnguh tus 200 mpồl lơh bal lơh gơlik, tac phan lơh gơs bơh suơn sre gơwèt mờ jơh ală bơta phan lơh gơs bơh suơn sre tờm ngan; geh bơta pràn bơh càr dê bè: biap kă bro, kơnuh ală bơta mờ ală bơta plai chi lơh sa suơn sre kloh niam, mờ jơnau kờ` lơh geh khà gơguh kờp bal tàm gùt gah lơh sa suơn sre bơh 4,7 tus 5,2%. Nàng lơh geh jơnau kờ` do, càr Lâm Đồng sồr gah lơh sa suơn sre, gơnoar atbồ pơgồp bal mờ ală mpồl lơh sa kă bro, hợp tác xã, mpồl lơh bal bè lơh sa suơn sre mờ làng bol lơh broă sa, dong kờl bơtàu tơnguh ală mpồl lơh bal gơ jat mờ broă tac phan lơh gơs; dong kờl rề ơnàng drà kă bro tac phan tàm lơgar mờ tac hờ lơgar ndai.