VOV4.K’ho- Lơh jat “Gơ dờp ờdo ờdă, ngac ngar, gròi sền geh cồng nha kòp Covid-19” jat Nghị quyết sồ 128 bơh Chính phủ dê, càr Lâm Đồng gam tơnguh mhar broă lơh cit sơnơm vaccine ai làng bol in. Tus tŭ do, càr Lâm Đồng neh geh pà rlau 1 tơlak 500 rbô ding sơnơm vaccine rơcang sơndră kòp Covid-19. Càr neh lơh gơs 20 dơ̆ cit sơnơm vaccine mờ gam pơn jat tai lam lơh broă cit sơnơm vaccine dơ̆ 21. Mờ khà sơnơm vaccine do, Lâm Đồng geh khà cit sơnơm vaccine ding dơ̆ 1 là 96,2% mờ ding dơ̆ 2 là 44% ai ală cau bơh 18 sơnam rlau hơđang in.

Lâm Đồng tơnguh mhar cit sơnơm vaccine rơcang sơndră kòp Covid-19 ai làng bol in

Jat Sở Y tế Lâm Đồng yal, bơdìh mờ làng bol hơđang 18 sơnam, càr kung gam geh broă rơndap lơh cit sơnơm vaccine ai kơnòm dềt bơh 12 tus 17 sơnam in. Bal mờ broă tơnguh mhar cit sơnơm vaccine, ală broă lơh ndai tàm broă lam lơh “Gơ dờp ờdo ờdă, ngac ngar, gròi sền geh cồng nha kòp Covid-19” kung geh càr sền gròi mờ chồl pràn lam lơh.

Cau mblàng K’Duẩn