VOV4.K’ho-Tu\ do, internet mpồl bơtiàn - mạng xã hội gam bơtàu tơnguh uă bơta [ươn kuơ wèt tus bơta [ươn [oài ai cau ngui in tàm broă lơh quèng, tàm tơrbo\ bal mờ mpồl bơtiàn mơya digơlan geh lài uă jơnau gơ aniai nàng ală cau ờ niam sơmờm lơh broă lơh tìs.

Bulah neh geh mpồl kuang àng tơngkah sơl uă dơ\, mơya tài bơh ờ go\ rơcang ngăc, mờ mhar pin dờn, lơbơn lơhơ nùs deng tàng kung gam cau gơtìp pơrlồm, gơ gơs là cau gơtìp aniai bơh cau lơh tìs tàm internet mpồl bơtiàn dê.

Bơta geh ngan tàm càr Lâm Đồng, uă cau lơbơn lơhơ nùs mhar pin dờn, hàm cồng uă den tàng neh gơtìp pơrlồm gi\t nđờ rhiang tơlak priă bơh internet mpồl bơtiàn mờ jơnau yal tàm điện thoại.

Tài bơh ờ go\ rơcang ngac, ờ gi\t kơrhia lài, den tàng dùl nă cau ùr ơm tàm [òn dờng Dà Làc, càr Lâm Đồng neh gơtìp pơrlồm roh te\ 10 tơlak priă bơh facebook. Jat sră cih yal mờ kuang àng, tàm drim ngai 30/5 pa do, cau ùr do dờp geh jơnau cih yal tàm facebook bơh cau bi bơrtơu geh mat sơnđan là Thắng Nguyễn gam ơm kis tàm lơgar ndai, tơngume sồr mò ai càn 30 tơlak priă nàng ồng dong dùl nă cau bơyô. Ala tài pal lùp mờ gi\t nền jơnau yal do, den cau ùr do neh gơ gơs là cau gơtìp pơrlồm tu\ sơrbac mhar ngan pơyua tơn 10 tơlak priă tàm kes priă jat jơnau bơto pơlam:

“Tơnơ\ tu\ a` pơyua 10 tơlak priă, den rê hờ hìu mờ hòi điện viber tơn bau bi ùr hơ\ in. Bi hơ\ đơs là drim do bi ờ go\ boh bơr lơi mờ oh, kung ờ go\ lùp dan lèng càn priă sơl bơh oh. Mờ facebook bi dê gơtìp hacker dùl poh do”.

Ndrờm bè hơ\ sơl, dùl nă cau ùr ndai tàm kơnhoàl Đức Trọng, càr Lâm Đồng kung gơtìp pơrlồm roh te\ 600 tơlak priă bơh internet mpồl bơtiàn. Tài bơh geh kòn lòt lơh broă tàm Đài Loan, den tàng cau ùr do lơh facebook nàng [ươn boh bơr, tàm yal tơngi\t jơnau mờ kòn bơh internet.

Tàm nhai 7 nam 2017 pa do, tài khoản facebook bơh mò dê dờp geh jơnau jà lơh bơyô bơh dùl nă cau geh tài khoản mat sơnđan là Harison, đơs is là cau ling Mỹ. Tàm pơgăp tu\ tơngai dùl nhai tơnơ\ hơ\, mò dờp geh jơnau yal cau bơyô pa lơh quèng tàm facebook do geh pơyua pà mò in dùl bơnah priă jền uă ngan:

“Lơh bơyô den bi hơ\ đơs là pơyua a` in 6.500 dolar Mỹ, bal mờ 4 nơm kòng kim cương dờng dềt, hơ\ sồng pơyua tai dùl nơm àu soh tam bau, mờ sơm biăt. Yal wih yal wơl tơnơ\ hơ\ cau hơ\ đơs là ai khi sồ điện thoại, sồ tài khoản, sồ kim ta, hơ\ sồng să jan jơnhoa nđờ, mờ kơ` jơ\ nđờ ki\..”.

Tu\ neh gi\t geh dùl êt jơnau yal bơh cau ùr do dê, ală ngai tơnơ\ hơ\ tơn, geh dùl nă cau ùr mat sơnđan là Huyền, đơs là lơh broă tàm [làng rơndeh par sùm hòi điện thoại, cau bơyô Harison quèng bơh tàm facebook kung sùm cih yal jơnau sồr cau ùr do pơyua priă nàng lơh sră nggal hải quan, priă tă bảo hiểm nàng dờp phan. Tài bơh pin dờn ir, den tàng mìng tàm dùl poh tơnơ\ hơ\, cau ùr do neh 4 dơ\ pơyua priă khi in, mờ kờp jơh priă pơyua gơguh tus 600 tơlak priă. Cau ùr do muăt jrùm ngan, yal:

“Bơh sơnrờp đơs là pơyua 34 tơlak priă den a` kung lòt pơyua sơl, neh pơyua den ngai hìng sồr pơyua tai 96 tơlak nàng lơh sră nggal tàm [làng rơndeh par. Tơnơ\ hơ\ sồr tai a` pơyua tai 180 tơlak priă mơkung đơs sơl là digơlan mho do là phan pơyua geh rê tus tàm hìu bi.

Ơm kơ\p sùm, kơ\p sùm ờ sền go\ tus sơl, ngai tơnơ\ a` hòi điện thoại den khi đơs wơl là tu\ do bi pal tong tai 290 tơlak priă tai. Priă den ờ geh pal lòt càn priă sa priă cồng jat ngai tơn, tu\ hơ\ ờ gi\t bồ tơngoh a` bè lơi tai, kung lòt càn priă sơl nàng pơyua gơ in jơh”.

Jơh ală priă tềm pềr, càn sa priă cồng uă gơguh tus 600 tơlak priă neh geh cau ùr do pơyua tàm tài khoản bơh mpồl blac pơrlồm dê ai mơya phan pơyua den kung gam ờ hềt sền go\ sơl. Ờ hềt mìng kàr hơ\ lơm gời, mpồl cau pơrlồm do pơn jat tai sồr cau gơtìp pơrlồm pơn jat tai pơyua tai 450 tơlak priă, tàm tu\ cau ùr do gam rơcang tăc ù nàng geh priă pơyua tai den broă do gơtìp cau gi\t.

Jat jơnau yal bơh Phòng Kảnh sát hình sự, Kuang àng càr Lâm Đồng dê yal, bơh bồ nam 2017 tus tu\ do, mpồl do neh dờp 5 sră yal bơh ală cau gơtìp pơrlồm bơh facebook dê pơyua. Jat hơ\, jơnau pơrlồm bơh ală cau ờ niam dê là lơh ală tài khoản facebook pơrlồm nàng lơh quèng, lơh bơyô bal, yal is là cau lơh sa jak hơ\ sồng đơs là kờ` gơboh, kờ` bau mờ yal geh phan bơna uă ngan kờ` pơyua tus Việt Nam.

Nàng dờp geh phan bơna, cau gơtìp pơrlồm pal tă uă ngan priă jền, geh tu\ gơguh tus gi\t nđờ tơmàn priă. Bơta ndai, cau pơrlồm ai kơ`au tơn gơnoar pờ ală tài khoản, uă ngan là facebook, tơnơ\ hơ\ càn priă halà jà cau gơtìp pơrlồm blơi thẻ cào nàng pơyua khi in.

Tềng đap ală jơnau blac pơrlồm do, Kuang àng càr Lâm Đồng lơh pràn sơlơ lơh tai broă mblàng yal, bơto yal cau ngui internet mpồl bơtiàn in sùm rơcang ngac, kơrhia ngan nàng rơcang sơndră mờ cau lơh tìs, pơgồp bơnah sền gàr niam phan bơna bơh să tờm dê mờ kơryan cau lơh tìs ai mpồl bơtiàn in!

Cau cih mờ yal tơngi\t- Lơ Mu K’Yến