VOV4.K’ho- Tàm càr Lâm Đồng, uă mpồl lơh broă, mpồl cau, cau dùl nă să is neh lơh ngan tă pơgồp bal Kes priă rcang sơndră kòp Covid-19. Drim ngai 11/6, Ủy ban Mặt trận dà lơgar Việt Nam càr Lâm Đồng neh dờp bơh Mpồl đơng lam Gah jat yàng Phờk Việt Nam càr Lâm Đồng dê 500 tơlak đong. Tàm kơnhoàl Lâm Hà, bơh ngai 31/5 tus tŭ do, ală anih lơh broă, mpồl lơh broă, ală tiah, mpồl cau, mpồl lơh sa kă bro, hìu bơsram, cau dùl nă să is mờ làng bol tă pơgồp bal geh rlau 737 tơlak đong; tàm ală kơnhoàl kal ke bè Dà Teh, Dam Rông, Lạc Dương...tơl kơnhoàl kung dờp geh rlau 200 tơlak đong.

Mpồl đơng lam gah jat yàng Phờk Việt Nam càr Lâm Đồng tă pơgồp dong kờl 500 tơlak đong ai kes priă rcang sơndră kòp Covid-19 in

Nàng kờñ pơndờm pơndiang ală mpồl cau, cau dùl nă să is lơh ngan tàm broă rcang sơndră kòp Covid-19, ngai 10/6, UBND ƀòn dờng Dà Làc, càr Lâm Đồng geh kơrnoat pà khà jờng nisơna ai 22 mpồl cau, cau dùl nă să is geh cồng nha jak ngan tàm broă lơh rcang sơndră kòp Covid-19.

Cau mblàng K’Hạnh