VOV4.K’ho- Ồng Phạm Minh Chính- Thủ tướng Chính phủ pa sồr ală Bộ, gah sơnah lơh broă, ală tiah lam lơh bàr pe broă lơh jal mhar dong kờl di tŭ ai ƀòn dờng Hồ Chí Minh mờ bàr pe càr, ƀòn dờng tiah đah Jum dà lơgar in lam lơh jat geh cồng nha ală broă lơh rcang sơndră kòp, gàr niam bơta bè ờs ai làng bol in mờ gàr niam ală broă lơh sa- mpồl bơtiàn kờñ pal geh tàm ù tiah do dê.

Jat hơ̆, ồng Phạm Minh Chính sồr ală Kuang bàng at gơnoar broă Bộ trưởng, Kuang atbồ ală anih lơh broă drờm bal mờ Bộ, Chủ tịch Ủy ban Nhân dân ală càr, ƀòn dờng gơwèt dà lơgar lơh geh tơl ală bơta ƀuơn ngan tàm broă dờp cau lơh broă, làng bol bơh ƀòn dờng Hồ Chí Minh mờ ală càr, ƀòn dờng tiah đah Jum dà lơgar rê tàm ală tiah mờ lơh jat niam ală jơnau sồr bè rcang sơndră kòp; gàr tơl phan bơna, phan ngui sa kờñ pal geh tơl làm, bềng lìu jun di tŭ bơh ală tiah tus ƀòn dờng in nàng drơng rài kis làng bol in, ờ lời bơta jơng kah, ờ tơl dùl ròt halà gơ kòl, kờp sền, tam pà bal di tŭ, ai lài ală khà vaccine ai ƀòn dờng mờ bàr pe càr, ƀòn dờng tiah đah Jum dà lơgar in nàng lơh jat niam broă lơh cĭt sơnơm vaccine dùl bă jak chài, di pal, ờdo ờdă mờ geh cồng nha.

Cau mblàng K’Hạnh