VOV4.K’ho- Lơh jăt broă lơh “Cau kơnòm să tus bal bơ̆t bơtàu ƀòn lơgar pa”, tàm Hà Nội, Đoàn ơruh pơnu Cộng sản Hồ Chí Minh dà lơgar bơyai lơh lam sồr dơ̆ pơrlòng “Rơndăp broă mŭt lơh broă bơceh lơh ơruh pơnu ƀòn lơgar nam 2021”.

Dơ̆ pơrlòng nàng lam sồr, hòi jà, ai gùng dà broă lơh mờ bơ̆t bơtàu nùs nhơm mŭt lơh broă, tus bal tơnguh bơtàu lơh sa tàm tiah ƀòn lơgar bơh ơruh pơnu dê. Dơ̆ pơrlòng jòi geh ală rơndăp broă lơh tàm 3 gah, tàm hơ̆ geh: Tơnguh bơtàu lơh sa suơn sre ngui khoa học kỹ thuật bơh broă tam phan, ròng phan, phan tàm dà, brê bơnơm, lơh sa mờ măi mŏk prăp gàr, lơh; ală rơndăp broă lơh ngui khoa học kỹ thuật tàm broă lơh sa suơn sre, sền gàr tiah kis mờ ngui phan geh is tàm tiah hơ̆ tơm; prăp gàr bơta niam chài rơgơi kòn cau bơh broă tơnguh bơtàu gah broă lơh, phan geh lơh ờs mờng, lơh broă nhơl chờ mpồl bơtiàn. Kờp dŭ dar pơrlòng dŭt ndơl geh bơyai lơh tàm nhai 11 nam 2021 tus tàm càr Lâm Đồng.

Cau mblàng Ndong Brawl