VOV4.K’ho - Drim òr (12/08), Mpồl tam klăc ơruh pơnu Việt Nam Dà lơgar mùl màl lam sồr lơh 65 ngai pơrlòng chờ gờm tơnkah 65 nam ngai bơhiàn Mpồl tam klăc ơruh pơnu Việt Nam (15/10). Tài tam cah ngài mpồl bơtiàn jăt Chỉ thị sồ 16 bơh Thủ tướng Chính phủ dê, broă lam lơh geh lơh jăt broă lơh pờ Clip lam sồr tàm ală pang internet mpồl bơtiàn mờ geh pờ tàm ală anih yal tơngĭt.

Jăt Bí thư dơ̆ dùl Đoàn ơruh pơnu, Chủ tịch Mpồl tam klăc ơruh pơnu Việt Nam bi Nguyễn Anh Tuấn đơs, dơ̆ pơrlòng do geh bơyai lơh tàm bơta krơi is ngan, den tàng, di gơlan geh kal ke hòi jà ală cau tàm mpồl, ơruh pơnu mờ dùl broă lơh tơn mờ geh gĭt nđờ jơ̆t rơbô nă ơruh pơnu tus bal. Mơya, do là broă lơh di pal, geh kuơ uă ngan mờ kuơ màng là bơto bơtê he bañ ờ sền gròi, sền ờ sơ̆p tềng đăp mờ kòp Covid-19, bơto bơtê tơl nă cau kơnòm să, tơl nă cau tàm mpồl, ơruh pơnu pal lơh ngan uă rơlao tai tàm tơngai tus, nàng tus bal mờ dà lơgar tam dră jai pha mờ kòp gơtờp, ai rài kis rê wơl mờ bơta bè ờs pa.

Cau mblàng Ndong Brawl