VOV4.K’ho - Mìng kờp bơh nam 2013 tus jơh nam 2018, kes priă sền gàr mờ tơnguh bơtàu brê càr Kon Tum neh tă geh rơlao 1 rơbô tơmàn priă drơng tàm broă atbồ, sền gàr rơlao 2 tơlăk dơ\ lồ brê.

Bơdìh hơ\ tai kung bơh kes priă do, gam dong kờl mpồl cau tòm brê tam mờ sền gàr rơlao 500 lồ brê mờ lơh geh niam sùm uă broă lơh ndai.

Dơ\ lùp bơh cau ai tơng^t jơnau đơs do mờ ồng Hồ Thanh Hoàng, kuang atbồ kes priă sền gàr mờ tơnguh bơtàu brê càr Kon Tum tơnơ\ do geh lơh loh rơlao cồng nha broă lơh bơh kes priă kung bè tơngu me geh ai tàm broă lơh jăt broă tơm priă sền gàr brê tàm càr Kon Tum.

-Ơ ồng, ồng gơtùi pà g^t cồng nha bơh broă tă, bơcri priă sền gàr brê bơh kes priă sền gàr mờ tơnguh bơtàu brê càr Kon Tum bơh nam 2013 tus jơh nam 2018?

Ồng Hồ Thanh Hoàng: Tàm tơngai bơh nam 2013 tus jơh nam 2018, kes priă sền gàr mờ tơnguh bơtàu brê càr neh tă priă sền gàr brê kờp jơh khà là rơlao 1 rơbô 073 tơmàn 873 tơlăk priă; neh bơcri rơlao 1 rơbô 031 tơmàn 019 tơlăk priă kờ` sền gàr 2 tơlăk 88 rơbô 234 dơ\ lồ brê; tam mờ sền gàr geh 522,5 lồ brê; tă priă atbồ mờ ală broă lơh ndai gơrềng bal.

-Broă sền gròi ală broă lơh geh Kes priă bal mờ anih lơh broă geh gơnoar lơh jăt bè lơi ơ ồng?

Ồng Hồ Thanh Hoàng: Bè broă sền gròi ală broă lơh bơh kes priă bal mờ ală anih lơh broă geh gơnoar. Lài ngan nam 2017, mpồl kuang bàng Quốc hội càr Kon Tum sền gròi broă lơh jăt broă dong kờl adăt boh lam bè tam brê ơla; jào ù, jào brê ai mpồl bơtiàn làng bol bal mờ hìu nhă tàm tiah làng bol kòn cau, kơh bơnơm tàm càr Kon Tum. Bơh broă sền gròi Mpồl kuang bàng Quốc hội càr Kon Tum pà go\ broă tam brê ơla tàm càr geh lơh di mờ kơrnoăt tàm adăt boh lam dê, broă lam sồr tă priă tam brê ơla geh lơh niam.

Bè broă sền gròi bơh kes priă sền gàr mờ tơnguh bơtàu brê càr mờ ală sở, gah lơh broă gơrềng bal, bơh nam 2014 tus nam 2018, nam lơi kes priă sền gàr mờ tơnguh bơtàu brê càr kung pơgồp bal mờ UBND ală kơnhoàl sền gròi broă lơh jăt broă tơm priă, atbồ, ngui priă sền gàr brê gơwèt mờ ală UBND ală xã, thị trấn tàm ală kơnhoàl, [òn dờng.

-Ồng đơs bè lơi bè cồng nha atbồ, ngui kes priă sền gàr mờ tơnguh bơtàu brê càr Kon Tum dê tàm ală nam pa do?

Ồng Hồ Thanh Hoàng: Broă tơm priă sền gàr brê neh cèng wơl ală cồng nha niam tàm broă atbồ, sền gàr mờ tơnguh bơtàu brê tàm càr, mùl màl bè broă tơm priă sền gàr brê ai geh anih lơh sa kơl jăp kờ` bơcri priă ai broă atbồ, sền gàr mờ tơnguh bơtàu brê, tơmù kal ke bơh kes priă dà lơgar, ală mpồl cau tòm brê neh rơcang bè priă pah nam kờ` lơh ală broă sền gàr brê geh cồng, pơgồp bal tàm broă lơh ring niam bă brê tu\ do geh bè khà uă, bơta niam mờ tơnguh bơtàu brê pa.

Kờp tus nam 2018, priă tơm sền gàr brê neh gàr niam broă atbồ, sền gàr brê bơh 360 rơbô 123 lồ brê hòn is geh di pơgăp 63,5% bă brê gùt càr do, ờ kờp bă brê cao su, brê geh is.

Broă atbồ, sền gàr brê tàm càr geh ală cấp, gah lơh broă, ală kơnhoàl, [òn dờng, ală cau tòm brê lơh jăt nền nòn mờ uă broă, kơnờm mờ hơ\, neh lơh gơmù mờ kơrian broă mus kơl chi brê, ồs sa brê, sơgràm ù brê, lơh phan brê ờ di mờ adăt boh lam.

Jăt khà kờp bơh đah sền gàr brê yal, khà dơ\ tìs mờ mus kơl chi brê ờ di mờ adăt boh lam nam 2013 là 356 dơ\, bă brê tìs là rơlao 80 lồ mơya tus nam 2017 gơmù gam 65 dơ\, bă brê tìs rơlao 10 lồ.

He go\ broă lơh jăt broă dong kờl tơm priă sền gàr brê neh lơh niam tus mờ broă atbồ, sền gàr brê tàm càr; brê geh tơnguh rơhời, tơnguh bơta rơcang sơndră, tam pà mờ geh sùm dà ai broă lơh sa in đơs bal mờ broă lơh sa bơh ală hìu ngui broă tơm priă sền gàr brê đơs is.

Broă tơm priă sền gàr brê neh lơh niam tus mờ rài kis bơh g^t nđờ rơbô nă cau lơh broă mờ brê, rài kis bơh làng bol geh tơnguh loh làng.

-Ồng gơtùi yal rơndăp broă lơh bè priă jền bơh kes priă tus nam 2020?

Ồng Hồ Thanh Hoàng: Tàm tơngu me rơndăp broă geh ai tă, bơcri priă tơm priă sền gàr brê nam 2019 neh geh UBND càr k^ tàm kơrnoăt sồ 66 ngai 17 nhai 1 nam 2019, bol a` geh rơndăp broă priă jền tơngai bơh nam 2019 tus 2020 Kes priă sền gàr mờ tơnguh bơtàu brê càr bè tơnơ\ do:

Rơndăp broă tă, tă priă tơm priă sền gàr brê bơh ală mpồl ngui broă lơh mờ brê bal mờ ală priă tă ndai di pơgăp 500 tơmàn priă. Bơcri di pơgăp rơlao 500 tơmàn priă. Tàm hơ\ bơcri priă atbồ bơh kes priă sền gàr mờ tơnguh bơtàu brê càr bal mờ ală anih lơh broă gơrềng bal di pơgăp 7%, hơ\ là di pơgăp 35 rơbô tơmàn priă. Bơcri ai ală cau tòm brê di pơgăp 95%, hơ\ là di pơgăp 465 tơmàn priă kờ` sền gàr di pơgăp 720 rơbô 246 dơ\ brê.

-Ơi, dan ưn ngài ồng Hồ Thanh Hoàng uă ngan!

Cau mblàng Ndong Brawl