VOV4.K’ho - G^t nđờ 10 nă làng bol kòn cau bơh kơnhoàl tiah nhàr dà lơgar Ia Grai, càr Gia lai sơlèt rơlao 1 rơbô kơi sồ gùng lòt tus [òn dờng Hải Phòng pơrlòng sră măi rơndeh, tàm tu\ tàm càr do tơn kung geh uă hìu bơto măi rơndeh. Bơta ờ niam rơlao là geh cau tus hòi jà, lam sồr làng bol tàm càr kơh bơnơm do lòt pơrlòng mờ jơnau hơ 100% geh tơl điểm pơrlòng cih jơnau, hơ\ sồng pơrlòng măi, ai sră măi rơndeh mhar.

Bi Rơ Lan Tinh, kòn cau Jarai, kis tàm [òn Jăng Krái 1, xã Ia Khai, kơnhoàl Ia Grai, càr Gia Lai geh sră pơrlòng măi rơndeh dờng hạng C tàm [òn dờng Hải Phòng nhai 10 nam 2018. Bi geh khà điểm cih là 30 tàm 30, bơta ngăc ngar măi rơndeh tàm rùp geh 95 tàm 100. Jăt bi Tinh yal, bi dan bơsram tàm nhai 7 mờ mìng roh 2 poh bơsram hơ\ sồng rê, kơ\p tus tu\ pơrlòng den tus pơrlòng.

                 Bi Rơ Lan Tinh lòt g^t nđờ rơbô kơi sồ tus tàm [òn dờng Hải Phòng pơrlòng kờ` geh sră măi rơndeh

Priă bơsram bi tă jơh 16 tơlăk priă, bal mờ di pơgăp 10 tơlăk priă lòt rê, hìu ơm tai. Tàm càr Gia Lai kung geh ală hìu bơto măi rơndeh, pơrlòng ai sră măi rơndeh, mơya jăt bi Tinh yal, tàm [òn dờng Hải Phòng pơrlòng [uơn rơlao, geh ai tơl điểm cih, dong kờl pơrlòng măi, den tàng bi bal mờ uă cau tàm [òn, tàm xã neh dan lòt bơsram măi rơndeh:

-Lòt pơrlòng bơh nhai 10 nam 2018, kơno cau yal bơsram tàm Hải Phòng [uơn, kơno cau yal bè hơ\ den tàng geh gal cau lòt. Lòt bơsram mìng tơrgùm tàm broă măi rơndeh, tă priă bơsram jơh 16 tơlăk priă, jào priă pơgru Biên, tus bơh Hải Phòng, bàr nă ùr bơklao ồng hơ\ lòt bal.

Jăt bi Rơ Lan Tinh yal den “pơgru Biên” là cau bơto tàm dùl hìu bơto măi rơndeh, ai sră măi rơndeh tàm Hải Phòng, kung là cau lam sồr g^t nđờ 10 nă cau kis tàm xã Ia Khai lòt pơrlòng ai sră măi rơndeh tàm [òn dờng do. Pơgru Biên kung lời wơl sră cih măt uă làng bol kis tàm xã Ia Khai in.

                  Bi Rơ Châm Huyh ờ g^t sră mơya kung pơrlòng geh sră măi rơndeh mờ điểm geh 30 tàm 30 tàm [òn dờng Hải Phòng 

Tàm pang sră cih măt geh yal là “Văn phòng dờp sră dan bơsram măi rơndeh Biên Tuyền”, anih geh cih tàm kơnhoàl Thuỷ Nguyên, [òn dờng Hải Phòng, bal mờ sồ điện thoại at tê. Hòi jăt sồ điện thoại do, cau klao do đơs:

-Oh geh drơng bi in jơh tơn, bơh broă pơrlòng cih jơnau, sră mờ dong kờl jơh pơrlòng măi rơndeh bi in tơn. Khà priă tơl tơn là 10 tơlăk priă.

Ồng A Huân, Phó trưởng phòng drơng broă kuang àng xã Ia Khai, kơnhoàl Ia Grai pà g^t, jăt jơnau kờp lài ngan, gùt xã neh geh rơlao 90 nă cau geh sră măi rơndeh dờng. tàm hơ\, geh mờr 40 nă, ndrờm là làng bol kòn cau lòt bơsram mờ pơrlòng geh sră măy rơndeh dờng tàm [òn dờng Hải Phòng. Uă cau ờ g^t sră ha là ờ chài tàm broă sền mờ cih sră mơya kung gam geh điểm uă ngan tàm bơnah pơrlòng cih jơnau:

-Bơh nam 2017 kung geh, 2018 kung geh. Pơgru tàm Hải Phòng tus tàm do, ờ dan mờ gơnoar atbồ lơi sơl, mờ tus tơl [òn lam sồr làng bol, làng bol dờn den tă priă lòt bơsram. Dơ\ lùp den làngh bol yal bơsram àtm Hải Phòng [uơn ngan mờ uă cau bơh he do ờ g^t sră tai.

Ồng Đoàn Hữu Dũng, Phó kuang atbồ Sở Giao thông Vận tải càr Gia Lai pà g^t, tàm càr geh 5 hìu bơto, pơrlòng ai sră măi rơndeh dờng, pah nhai ndrờm geh rơwah cau mờ geh rơndăp broă bơto mùl màl. Làng bol lơi kờ` geh dan mờ bơsram tàm ală hìu bơsram do.

                       Khà măt ală cau kòn cau bơh càr Gia Lai lòt bơsram măi rơndeh tàm [òn dờng Hải Phòng 

Den tàng, tềng đăp mờ ală bơta ni sơna bơh jơnau yal làng bol kòn cau bơh kơnhoàl tiah nhàr dà lơgar lòt rơlao 1 rơbô kơi sồ tus [òn dờng Hải Phòng pơrlòng ai sră măi rơndeh dờng, Sở do neh pơgồp bal mờ kơnhoàl Ia Grai tus sền kờ` g^t.

Mìng is tàm dùl xã Ia Khai, kơnhoàl Ia Grai neh geh 38 nă làng bol kòn cau geh Sở Giao thông Vận tải Hải Phòng ai sră măi rơndeh dờng. Bơh tu\ hơ\, ngai 16 nhai 1, Sở Giao thông Vận tải càr Gia lai neh geh sră nggal bơh Tổng cục đường bộ Việt Nam:

-Bè đah sở Giao thông Vận tải Gia Lai kung neh rơcang pơgồp bal mờ ală anih lơh broă geh gơnoar tàm kơnhoàl Ia Grai, bơh tu\ hơ\ kung g^t khà măt 38 nă cau tus mờ broă pơrlòng măi rơndeh tàm Hải Phòng. Tàm tơngu me hơ\, Sở kung neh yal mờ Tổng cục đường bộ Việt Nam in g^t mờ đơng lam ală anih lơh broă geh gơnoar sền wơl, sền gròi, lơh glài di lah geh tìs.

Tàm bơta ală dơ\ rềs àr tàm gùng lòt ngai sơlơ uă. Chính phủ, Bộ Giao thông Vận tải gam sồr lơh niam wơl, sền gàr nền nòn broă măi rơndeh, ai sră măi rơndeh den broă lơh gơbàn ni sơna bơh g^t nđờ 10 nă làng bol kòn cau tàm càr Gai Lai tus Hải Phòng pơrlòng ai sră măi rơndeh dờng sơlơ pal gờ` lơh loh.

Mờ ờ mìng Hải Phòng, broă do pal geh pờ ơnàng broă sền wơl tàm gùt lơgar kờ` sơbù ală sră măi rơndeh ngan pơrlòng ờ ngan, pơgồp bal tàm broă tơmù ală cau măi rơndeh lơh gơbàn rềs àr tàm gùng lòt.

Cau mblàng Ndong Brawl