VOV4.K’ho - Bơh 10 jiơ 05 phut drim 21/9, jơnau  tơnggit Chủ tịch lơgar ồng Trần Đại Quang chơt neh lời wơl bơta pơlai ngan ngồn tus mờ làng bol mờ cau ling gùt lơgar, làng bol lơgar he kis hờ lơgar cau mờ gơp bơyô rềp ngài.

Git nđờ tơlak na\ làng bol cau Việt Nam tàm làm ù tiah, mờ ala\ cau  dùl mpồl  bal, cau lơh broa\ bal lài do,  ala\ làng bol dùl tu\ tơngai lơh broa\ mờ đềt mềr mờ Chủ tịch lơgar ồng Trần Đại Quang neh gơ lơh nrơt dơl ngan tềng jơnau yal Chủ tịch dà lơgar neh chơt. Mờ ua\ ngan làng bol,  jơnau Chủ tịch lơgar chơt la dùl bơta hòac hươr siơ\u siar  dờng ngan tus mờ Đảng, Dà lơgar mờ làng bol he. Mìng pơgap mờ do  ờ jo\,  Chủ tịch lơgar gam  tus bal ala\ broa\ lơh tàm lơgar mờ lơgar cau bềng lìu bè  tus bal dơ\ mut  nam bơsram pa tàm hìu bơsram cấp 3 Chu Văn An, Hà Nội, còp ngan ngồn lơgar Ai Cập mờ  Ethiopia, wa\ kuang atbồ lơgar Indonesia. Mờ mìng pa do mơ,   Chủ  tịch lơgar gam pơyua sra\ nting sa\ sa tềp Trung thu kơnòm pa tào, kơnòm dềt… Ồng Nguyễn Minh Sơn, kis tàm sồ hìu 96 gùng  Lê Duẩn, Hòan Kiếm, Hà Nội đơs:

Tơngai rềp do, Chủ tịch lơgar gam geh ala\ dơ\ lòt lơh broa\ hờ lơgar  cau, bè rềp do ngan la tus hờ lơgar Ai Cập. Mờr sa tềp Trung thu ồng gam pơyua sra\ tus ala\ sau kơnòm dềt. Chủ tịch lơgar chơt nisơna ngan. Tàm tơngai lơh broa\ pa do,  ồng neh lơh ua\ broa\ niam ngan nàng pờ ơnàng git gơp lơh broa\ bal mờ lơgar ndai mờ ua\ lơgar ngan.

Tu\ klo jơnau yal Chủ tịch lơgar ồng Trần Đại Quang chơt, làng bol Tây Nguyên  pơlai  kah sơnđàc ua\ ngan. Kuơ màng ngan, tàm  tu\ tơngai at gơnoar la Bộ trưởng kuang àng, Kuang atbồ đơng lam Tây Nguyên, ồng Trần Đại Quang neh tus hờ ala\ [òn làng tiah sar lơgar ngài, tiah làng bol kòn cau,  sền gròi ngan tus rài kis làng bol mờ bơta  ngap lơngai ờ do ờ da\ tàm [òn lơgar mờ ala\ càr  rềp bal. Ồng Trương Nhất Vương kis tàm sơnah [òn Tân Thành, [òn dờng Buôn Ma Thuột, Dak Lak tam pà:

Kung bè tơl làng bol,  tu\ klo jơnau yal Chủ tịch lơgar chơt,  a` gơlơh nisơna ngan,  moat jrùng ngan. Chủ tịch lơgar ồng Trần Đại Quang lài do la dùl cau tướng gah kuang àng mờ geh tu\ tơngai lơh broa\ đah Mpồl đơng lam Tây Nguyên, nùs nhơm ồng lời tus làng bol Tây Nguyên dờng ơnàng ngan, Chủ tịch lơgar ồng Trần Đại Quang chơt den nùs nhơm mờ rùp sa\ ồng geh kis sùm tàm nùs nhơm làng bol Tây Nguyên.

Làng bol Hải Phòng kung gơ lơh nisơna ngan,  pơlai sơnđàc ngan. Ồng Bùi Anh Tuấn, kis tàm sơnah [òn Vĩnh Niệm, quận Lê Chân, Hải Phòng đơs:

Kơ no  jơnau Chủ tịch lơgar chơt den mùl màl hơ\ la jơnau  nisơna ngan. Nđờ ngai lài gam go\ Chủ tịch lơgar lòt lơh broa\ hờ lơgar cau, tus  bal  ala\ broa\ lơh, ngan do kơno yal, làng bol Việt Nam kung nisơna ngan mờ pơlai moat ngan. Hơ\  kung la  nùs nhơm a` dê đơs is mờ làng bol  Việt Nam đơs bal.

Ala\ bơyô kơnòm bơsram, cau bơsram dờng tu\ kơ no yal Chủ tịch lơgar ồng Trần Đại Quang chơt drờm  pơlai sơnđàc ngan. Bơyô Nguyễn Bích Trâm, cau bơsram dờng Đại học Kiến trúc Đà Nẵng geh đơs nùs nơm he dê:

Oh gơlơh nisơna ngan tu\ kơ no yal Chủ tịch lơgar chơt. Pa do mơ, oh gam  go\ ồng Trần Đại Quang tus bal dơ\ mut nam bơsram pa tàm hìu bơsram cấp 3. Oh kah  loh ngan jơnau nting tơng kah bơh Chủ tịch lơgar pơyua tus kơnòm bơsram, cau bơsram dờng kờ` pơnjat tai  chồl guh bơhìan lơh ngan bơsram,  ròng sền bơta kơp kờ`,   bồ tơngoh brồ guh.

Làng bol tàm [òn dờng Hồ Chí Minh gơ lơh nisơna ngan, pơlai sơnđàc ngan, geh  đơs bơta pơlai  ngan ngồn  tềng  bơta chơt nơsna bơh dùl kuang bàng geh bơnga\ mờ jal chài.  Bi Nguyễn Nam Hòang, dùl na\ cau lơh broa\ dà lơgar kơnòm sa\, kis tàm quận 8, [òn dờng Hồ Chí Minh đơs:

Kơno yal Chủ tịch lơgar chơt, a` gơ lơh nisơna ngan mờ gơ lơh pơlai ngan dùl  kuang bàng at bồ đơng lam jak chài. Pa do mơ, a` gam go\ rùp sa\ bơh Chủ tịch lơgar tàm ala\ sra\ bao\, ti vi, bè hơ\ mờ tu\ do ồng ờ gam tai. Kah ala\ dơ\ tus tìp mờ cau te\ khà tàm [òn dờng Hồ Chí Minh, bơh anih pờ tơlik jơnau đơs,  sơndio rùp mờ  sra\ bao\, a` klo sao đơs lơ bơn niam bơh Chủ tịch lơgar, go\ bơta rềp mềr, bal hia\, sùm iat  bơta kơp kờ`, bơta kờ` kơnờm bơh cau te\ khà,  mblàng yal ala\ bơta ờ suk mờ làng bol đơs. Hơ\ la dùl tàm ala\ bơta gơ lời niam kah sùm mờ nus nhơm mờ ngan ngồn mờ mìng  a` dê mờ gam bơh ua\ làng bol tàm [òn dờng Hồ Chí Minh lời tus Chủ tịch lơgar ồng Trần Đại Quang.

Sền  wơl rlau mơ gùl tơngai lơh kuang atbồ  lơgar, ua\ cau la làng bol đơs  jơnhua bơnga\ bơh Chủ tịch lơgar ồng Trần Đại Quang tàm broa\ lơh mờ lơgar cau,  pơ gồp bal tơngguh bơnga\ bơh lơgar  Việt Nam tàm dunia. Ồng Đỗ Hoan, xã Hạ Hồi, kơnhòal Thường Tín, Hà Nội đơs:

Ala\ jơnau đơs bơh Chủ tịch lơgar ồng Trần đại Quang tu\ tam tìp lơh broa\ mờ lơgar cau mờ ala\ lơgar den go\ la geh ua\  jơnau  niam. Tàm  sơnơng bơh Chủ tịch lơgar den git mhal  ngan,  git tu\ tơngai, mờ broa\ lơh tu\ do. Tơngai do broa\ lơh mờ lơgar cau niam ngan, bơtàu tơngguh, git gơp bơh Việt Nam mờ ala\ lơgar bơtàu tơngguh mhar, niam ngan.

Tàm tơngai lơh broa\ ồng dê, mbồc ồng Trần Đại Quang neh cih tềl ala\ broa\ niam ngan tàm broa\ lơh mờ lơgar cau,  bal mờ Đảng, Dà lơgar mờ làng bol bơyai lơh geh cồng nha pơrjum APEC tàm [òn dờng Đà Nẵng tàm nam 2017. Ồng kung la cau lơh jat bơrnàng ja\ lơh broa\ mờ lơgar cau kơljap kờ` Việt Nam mut gơ rờm bal dờng ơnàng ngan  mờ ala\ lơgar rềp bal mờ dunia.

Cau mblàng K’ Brọp